HOSTEL PART III: AN INTELLECTUAL OVERVIEW

January 16, 2012 by zombem 7 Comments

Kite selalu curiga trend torture-porn ngga akan punya umur lebih panjang dari trend Tamagochi dulu. Sekarang kite punya sesuatu buat ngebuktiinnye.

.

Biarpun Saw adalah film pertama yg dilabelin sebagai “torture-porn”, konsensus umum menyetujui kalo Hostel-nye Eli Roth tuh apaan yg ngewakilin deskripsi tersebut secara lebih akurat. Dibuat berdasarkan pada kisah nyata segimane Big Mac dibikin berdasarkan pada daging sapi, segala kekurangan  estetika film ini ditebus sepenuhnye dengan shot-shot detil organ prosthetic disobekin & seorang Jepang muncratin mayonnaise dari saraf optik doi abis dimutilasi pake las. Mungkin ngga awesome, tapi berkesan. Tentunye, segalanye yg ngga awesome tuh –secara teknis- selalu bisa dibikin lebih bagus. Leatherface: Texas Chainsaw Massacre  III sama sekali ngga fantastis & bakalan keren kalo aje itu keliatan kaya Texas Chainsaw Massacre pertama. Sound of Music itu buruk & bakalan keren kalo aje itu keliatan kaya Texas Chainsaw Massacre pertama.

Dengan semangat itu, kite dapet Hostel Part II. Satu judul yg, di mata gue, ngelakuin segalanye yg dilakuin di film pertama…dengan lebih baik. Jujur gue suka banget Hostel II, gue suka gimane Eli Roth kembali ke tradisi protagonis-cewe, gue suka gimane Elite Hunting Club ditunjukin sebagai sebuah industri rahasia, gue suka sub-plot dari sudut pandang klien, gue suka endingnye di mane segalanye diselesaiin pake duit, gue suka cameo dari orang kaya Luc Merende ama Edwige Fenech, dan gue suka gimane Roth nyelipin lelucon-internal diantara gore-nye, kaya adegan pas seseorang dimakan idup-idup ama sutradaranye Cannibal Holocaust (awesome!!). Kalo emang Eli Roth pernah bikin sesuatu yg menyerupai sebuah “masterpiece”, film itu judulnye pasti Hostel Part II.

Sekarang Scott Speigel, yg dapet free-pass seumur idup dari penggemar horror buat bikin apepun yg die pengen berhubung die tuh co-writer Evil Dead 2, mengemban tugas mulia nyutradarain sekuel karya monumental Eli Roth yg dapet kehormatan untuk dirilis dalem bentuk straight-to-DVD. Bergabung dalem daftar panjang hall of fame bareng ama judul-judul legendaris serupa macem Wrong Turn 3, I’ll Always Know What You Did Last Summer, American Pie Presents: Band Camp,  The Cell 2, Hollow Man 2, White Noise 2, Open Water 2, Cabin Fever 2, Leprechaun 4: In Space, Bring it On Again, ama The Lion King 1 ½ .

.

Film ini dibuka dengan sejumlah douchebags dari film sebelonnye pada rame-rame pergi ke nikahannye Stu di…tunggu, tunggu, kayanye itu sekuel buruk yg laen deh. Gue suka ketuker-tuker soalnye udah kebanyakan film yg make formula kaya gitu. Toh, sejujurnye film ini emang ceritanye soal segerombolan idiot pergi ke Las Vegas buat bikin pesta bujang, jadi gue ngga salah-salah amat. Tokoh utama kite di sini tu Carter (Kip Pardue) ama Scott (Brian Hallisay), yg adalah…ga tau gue, kayanye sih “orang-orang yg bakal kebunuh di film Hostel” aje. Gue sama sekali ngga tau latar belakang dari sapepun, mereka semua cuman nongol aje di layar sambil keliatan menyebalkan. Pokoknye Scott bakal kawin ama seorang cewe bernama Amy (Kelly Thiebaud), yg dulunye mutusin Carter soalnye die tuh douchebag. Kenape terus doski mutusin buat kawin ama temen deketnye seorang douchebag adalah sesuatu yg film ini ngga pernah jelasin sampe abis, setau gue seorang douchebag cuman mau maen ama sesama douchebag doang. Harap dicatet kalo selama setengah jam film ini isinye terbatas pada ngeliatin orang-orang ini mabok-mabokan, pesta-pesta, ngintipin celana dalemnye stripper, serta secara umum bertingkah selayaknye para karakter di 2 film Hangover. Seperti biasa dalem tradisi franchise ini, mereka terus ketemu sepasang wanita yg ngajak pergi ke “tempat terpencil di mane kalian bakal dimutilasi idup-idup kaya ayam livestock KFC, mau ikut?”.

“Cari aje yg plangnye kaya gini, terus masuk”

Tentu berhubung ajakan ini dateng dari mulut 2 orang cewe, gue ngga perlu ngasih tau jawaban cowo-cowo ini apaan kan?

Sungguh sebuah pertanyaan retorik

Setelah twist, twist, twist, ama 6 biji twist laennye, akhirnye sesuatu yg menyerupai Hostel-Hostel sebelonnye terjadi di layar.  Oh, tunggu…ini masih bagian dari twist?  Asli, ngga tau kenape, Scott Speigel pengen filmnye punya lebih banyak twist daripade acara American Bandstand di taun ’62. Masalahnye ama twist-twist ini tuh 99% darinye nyaris ngga punya efek ape-ape, cuman teknik bait-and-switch murahan buat nipu penonton veteran pake cara-cara konyol. Kaya link bokep gratis di sebuah situs yg cuman ngebawa lo ke lebih banyak link bokep gratis laen tanpa pernah bener-bener ngasih bokepnye, ginian ngga ninggalin impresi apepun selaen mancing rasa kesel orang yg nge-kliknye. 2 film Hostel sebelonnye juga punya build-up lamban, tapi di situ itu ada tujuannye: buat nunjukin ke penonton keberadaan EHC ama gimane mereka beroperasi; apaan perannye dalem industri human-trafficking modern ama gimane semua orang banyak duit di dunia ini adalah sick-fucks. Praktis tanpa eksposisi apepun, Eli Roth dulu sukses nyiptain background solid buat semua gornography eksplisit yg die ekspos secara glamor, semacem kaya versi murder-porn dari Expanded Universe-nye Star Wars.

Tentunye Expanded Universe sendiri bakal nge-murder sapepun yg baca dengan tujuan ngarepin bakal nemu porn di dalemnye

Sebuah dunia kaya Hostel tuh harus dibikin & gue kaga cuman ngomongin soal ruangan bawah tanah tempat mereka nyimpen semua alat interogasi Inkuisisi, tapi keseluruhan mitosnye. Penonton harus ngerasa kalo klub semacem EHC tu emang ada supaya kekerasan yg mereka lakuin jadi berkesan, dan itu bisa kok diciptain. Industri hiburan emang udah dirancang supaya apaan yg ngga ada bisa jadi keliatan nyata, coba pikir deh, realita ama talenta merupakan 2 hal yg ngga pernah eksis dalem sejarah televisi, toh kite punya 200 acara yg secara khusus didekasiin guna nunjukin gituan. Background di balik cerita Hostel dulu sedemikian berpengaruh sampe gue sekarang bisa ngabisin satu paragraf ngejelasin soal subteks  organiknye, yg bisa aje cuman sebuah usaha prententious ngasih pembenaran buat boner yg gue dapet pas ngeliat cewe dimutilasi pake gergaji mesin.

Butuh pledo setebel Yellowpages buat bikin hobi lo nembakin orang ama ngelindesin PSK secara acak jadi sesuatu yg bisa terjustifikasi

Pada Part III ini, semua elemen positif tersebut praktis ngga ada. Hostel punya atmosfer misterius soalnye settingnye di Eropa Timur, satu teritori yg asing bagi audiens. Sekarang, settingnye di Las Vegas, tempatnye Britney ngawinin Jason Allen Alexander dalem keadaan ngga sadar, jelas aje itu ngga akan ninggalin impresi yg sama. Waktu salah satu diantaranye ngilang, yg laen sebenernye ngga punya kendala bahasa ataupun geografis buat ngubungin pihak berwenang setempat & ngelaporinnye. Maka, naskahnye berusaha nutupin kekurangan tadi dengan cara bikin salah satu karakternye bilang kalo, di Vegas, polisi cuman mau nanganin kasus orang ilang abis orang bersangkutan ngga bisa ditemuin dalem kurun waktu seminggu, sebuah pernyataan yg bisa dibantah cukup dengan ngelakuin search sederhana via Google. Ngebuktiin kalo sapepun penulis naskah film ini sama sekali ngga ngelakuin riset apepun soal ape yg lagi die tulis, mungkin soalnye, buat die, “riset” artinye opsi yg selalu die teken dalem keadaan panik tiap kali sebuah app baru bikin settingan smartphone-nye kacau.

“Research”, bitches! Bukan “reset”

Die juga kayanye lupa lagi bikin sekuelnye Hostel berhubung karakter-karakter utamanye bahkan ngga nginep di hostel, tapi kamar mewah hotel bintang 5. Plus, EHC sendiri digambarin sebagai bentuk kejahatan-terorganisir yg lebih inkompenten dari para antagonis di Chrome Skull: Laid to Rest 2, sampe ke tahapan di mane mereka praktis kedegradasi jadi sekelompok orang dengan tato buruk seragam aje. Sementara itu, twist demi twist dateng silih berganti secara lebih bertubi-tubi daripade gentong yg digelindingin Donkey Kong, semuanye sedemikian semrawut sampe gue bener-bener ngarep segala cerita segera dihentikan supaya gue bisa nikmatin adegan-adegan khas franchise ini; pas orang dewasa dicabutin giginye pake tang ape apa lah sambil jerit-jerit lebih kenceng dari seorang ABG di konsernye Justin Bieber.

Imej ini nyiptain lebih banyak jeritan ama tangisan daripade invasi tentara Sekutu ke Normandia

Kemudian death-scene pertama terjadi, dan ternyata masalah film ini terus bertambah.

Masalahnye bukan di death-scene itu sendiri -eksekusinye bisa dibilang ok buat film low-budget straight-to-DVD- tapi gimane EHC digambarin. Kaya kite semua tau, uummm…”perusahaan multi-nasional” ini punya cara operasi spesifik segimane dijelasin di Part I ama II, nah EHC: Las Vegas  cuman bilang “fuck that” pada semua itu sambil ngejalanin metode bisnis sesuai kemauannye sendiri, gue asumsiin soalnye mereka cabang Amerika & orang Amerika boleh ngelakuin apepun yg mereka mau. Di film sebelonnye jelas-jelas dikasih tau kalo klub ini punya peraturan strict: sape yg udah ngebeli orang ngga boleh pergi tanpa ngebunuh orang yg die beli. Itu sifatnye mutlak & ngga ngga bisa ditawar, kite bahkan ngeliat apa yg terjadi ama Todd pas die ngelanggarnye. Di sini, peraturan itu bukan sekedar ngga diberlakuin, tapi sama sekali ngga eksis soalnye para kliennye ngga ngebeli ataupun ngebunuh sapepun, apa yg anggota EHC lakuin di film ini tuh judi. Mereka nontonin orang dibunuh ama seorang profesional dalem ruangan khusus sambil judi soal sejumlah hal tolol yg bersangkutan ama aksi pembunuhan tersebut. Ini bukan cuman ngancurin kontuinuitas dari 2 film sebelonnye, tapi juga bikin anggota EHC jadi keliatan cupu. Maksud gue, ngapain susah-susah gabung di Elite Hunting Club rahasia kalo cuman  buat gitu? Lo bisa ngelakuin hal yg persis sama cukup dengan login di Gurochan.

Staff HHD juga ngelakuinnye  pada karakter Bijou Phillips pas nobar Hostel II

Itu belon menimbang fakta bahwa EHC cabang Sin City ini lagi ngelakuin praktek bisnis secara buruk ye. Misalnye lo ngejalanin bisnis ilegal yg ngedasarin profitnye dari bikin pertunjukan torture-porn, ape nunjukinnye di depan puluhan orang adalah sesuatu yg bijaksana? Puluhan orang yg bisa dijadiin saksi mata ama polisi. Serius, rencana itu bikin “ikutan turnamen beladiri buat dapet duit sementara salah satu partisipannye Bruce Lee” kedengeran kaya ide yg ngga self-destruktif. Ngomong-ngomong, udah berapa lama sebenernye chapter Vegas ini jalan? Soalnye cara mereka “ngehibur” kliennye keliatan boring. Inget kalo anggota EHC harus bayar mahal buat dapetin servis mereka,tapi selaen death-scene pertamanye (yg boleh lah, tapi sama sekali ngga sensasional), semua adegan torture-nye luar biasa mengecewakan bahkan buat standar DVD gocengan sekalipun. Yg satu sama sekali ngga kreatif, yg satunye lagi sedemikian menghina intelejensia sampe kalo misalnye gue tuh anggota EHC, gue bakal ngelaporin pemiliknye ke polisi buat nuntut mereka ke pengadilan berdasarkan UU Perlindungan Konsumen.

Gue ngga terima dibikin ngabisin 8 jam cuman buat, secara ilegal, ngedonlod satu episode buruk Fear Factor

Pada saat ini, nongol lagi sebuah twist, bedanye, yg ini emang beneran punya arti pada cerita keseluruhan. Sayangnye, para penulisnye kayanye udah kebanyakan bikin twist jadi begitu ada satu yg bermanfaat mereka udah keabisan ide dan ngedasarinnye pada motif yg luar biasa pathetic. Motivasi di balik twist ini bikin endingnye Basic jadi keliatan kaya itu ngga diketik ama 2 ekor simpanse sebagai pengisi waktu luang diantara maenin game Facebook. Inget pas satu-satunye twist di Lady in the Water tuh ternyata M Nigh Shyamalan sebenernye bikin film komedi romantis soal putri duyung yg dibintangin Paul Giamatti? Nah itu masih mendingan berhubung Lady in the Water tuh –seengganye- bukan sekuel dari sebuah film awesome. Twist yg ini bukan cuman idiot karena ke-pathetic-annye, tapi juga bikin nyaris semua kejadian sebelonnye jadi kerasa dungu sekaligus ngapus simpati apepun yg kite punya pada mereka yg terlibat. Itu makanye para penonton bersorak ngeliat mereka abis itu saling mukulin satu sama laen pake senjata mediaval, soalnye itu hal paling mendekati pemandangan indah dari ngeliat Edward ama Jacob saling bunuh dalem akuarium.

Ngerebutin gelar juara Douchebags Championship Wrestling

Sebenernye Scott Speigel ningkatin intensitas gore filmnye di 15 menit terakhir, tentunye itu ngga dalem tingkatan massif berhubung EHC chapter Vegas ini ngga punya anggaran operasional buat ngegaji lebih dari 5 orang pegawai. Jadi sebelon Obama menuhin janjinye buat memperbaiki keadaan ekonomi negeri Paman Sam, kite harus puas ama yg kite dapet di sini. Kayanye sih Sony ngga terlalu antusias ngerilis judul Hostel baru yg ngga punya keterlibatan Eli Roth di dalemnye, makanye mereka cuman ngasih proyek ini budget seadanye & itu keliatan banget. Soal kualitas gambar, musik, ama hal-hal teknis perfilman yg kite semua di HHD ngga ada yg pahamin, Part III tuh kaya Part II kalo abis kalah judi bola. Toh keterbatasan budget kayanye ngga bikin penulisnye kepikiran buat ngehapus adegan eksplosif ala Mission: Imposible endingnye dari dalem skrip. Maka berhubung ngga ada cukup dana guna ngeledakin gedung beneran, mereka mutusin untuk ngegantinye pake CGI yg, kalo ditilik berdasarkan kualitasnye, kemungkinan diambil dari footage sebuah filmnye Lorenzo Lamas.

Kemungkinan kedua; itu diambil dari sebuah game terlupakan keluaran Sega Genesis

Kesimpulannye, Hostel Part III itu contoh sekuel crappy, misalnye ngga nebeng judul Hostel, gue yakin ngga akan ada orang yg bakal peduli ama film ini.  Malah, yg sekedar tertarik ngomonginnye pun ngga akan ada ngga.  Buat bagian dari seri yg ngedefinisiin “torture-porn”, Part III punya lebih banyak death-scene off-screen dari Part I ama II disatuin, yg ngeheranin mengingat judul ini ngga dirilis di bioskop. Kalo misalnye lo tau lo bakal bikin film horror straight-to-DVD, terus ngapain harus ngeminimalisir gore-nye? Bukannye “ngeludahin muke MPAA sambil bilang bahwa lo ngga peduli” tuh keuntungan utama dari bikin produksi ginian? Dengan minimnye kekerasan vulgar ataupun penampakan sebuah hostel di dalemnye, sekuel ini praktis berdiri di garis yg lebih tipis dari toketnye Nicole Ritchie buat masuk kategori artifact title yg lebih menggelikan dari Major League: Back to Minors, tanpa ngasih kontribusi apepun buat franchise keseluruhan.

Gue duga keras Eli Roth dibayar di muka buat ngejual judul ciptaannye, soalnye kaga mungkin die ngarepin royalti dari sini.

.

.