His Hero is Demon

Making Horror A Cheesy Catchphrase Since…Just Now

SHARK NIGHT 3D: AN INTELLECTUAL OVERVIEW

4 Comments

Hiu, makanin orang malem-malem, semuanye dalem kemegahan 3D serta kehambaran PG-13. Just when you thought it was safe to watch some crappy B-movie.

.

Premis film yg judulnye Shark Night 3D ngga mungkin susah-susah amat. Ada hiu, setengah dari filmnye di-shot malem-malem, trus diputernye di bioskop 3D. Kedengeran kaya sesuatu yg bakal gue tonton dengan senang hati.

Cuman, ternyata ratingnye PG-13 & kite semua punya firasat ini bakalan busuk.

Emang sih, rating PG-13 ngga mesti bikin sebuah film horror jadi otomatis butut. Lagian, judul-judul macem Drag Me to Hell, amaaaaa…. Drag Me to Hell, juga…ummm…Drag Me to Hell, trus…Drag Me to Hell…semuanye adalah film-film yg sukses bikin gue terpikat meski punya rating PG-13. Masalahnye, dalem kasus ini, gue ragu Shark Night 3D direncanain buat jadi tontonan horror serius ala JAWS ataupun Poltergeist (yg, ngomong-ngomong, dua-duanye juga punya rating PG). Sutradara David R. Ellis ngga dikenal buat kemampuannye ngorkestrasi adegan-adegan suspenseful nan atmosferik, lagian, kite lagi ngomongin mantan stuntman yg resumenye berisi judul-judul macem Cellular, 2 film Final Destination ama Snakes on A Plane. Ada gitu keraguan kalo ini ngga bakal jadi lebih dari satu tontonan cheesy eksploitatif? Dan orang ngga mungkin bisa bikin tontonan cheesy eksploitatif soal karnivora- pemakan-manusia yg keren tanpa nunjukin gore eksplisit maupun nudity frontal di dalemnye. Maksud gue, misalnye ginian ngga nunjukin sadisme ama boobs, terus intinye apaan?

Kalo lo perhatiin dengan seksama, sebenernye ada hiu pada gambar di atas

.

Shark Night 3D sendiri adalah sekuel dari 2 film sebelonnye: Shark Night D ama Shark Night 2D, yg ngebawa kisah perjuangan abadi antara seorang perempuan, para jocks yg gantian ngegenjotin doski, ama ikan hiu ke batas baru alam trilogi dimensional. Ceritanye segerombolan anak kuliahan dari sebuah universitas mutusin buat pergi ke satu danau dalem rangka ngerayain sesuatu yg ngga jelas apaan. Mereka adalah: Sara (Sara Paxton), seorang gadis yg punya ciri lengkap seorang final girl. Nick (Dustin Milligan), cowo berotot yg ceritanye geek berhubung die pake kacamata. Gordon (Joel David Moore), sohib sesama geek-nye Nick yg belon juga kapok pergi ke tempat terpencil Lousiana walaupun udah kebantai di Hatchet. Blake (Chris Zylka), seorang model pria yg shot pantatnye di awal film gue curiga bukanlah bentuk nudity yg diharepin penonton. Beth (alumni American Idol Katharina McPhee), si slutty bertato yg kite semua tau ngga bakalan selamet. Juga pasangan etnis minoritas Malik (Sinqua Wells) –seorang pemuda kulit item stereotip yg cuman bisa kuliah gara-gara beasiswa atlet-  & Maya (Alyssa Diaz) yg ngga punya karakter apepun selaen “pacarnye Malik”. Sejujurnye, ngga ada satu pun dari nama-nama di atas punya karakter selaen ciri-ciri fisik spesifik. Kaya anggota Power Rangers, orang-orang ini bisa aje dideskripsiin cuman dari warna celana (apa bikini) yg mereka pake; Blue Power Ranger, Yellow Power Ranger, Red Power Ranger, Pink Power Ranger, ama satu yg namanye cukup sial buat bikin die jadi identik ama retardness.

The White Power Ranger

Di tengah jalan, mereka ketemu seorang Sherrif yg keliatan lebih inkompeten buat ngejaga hukum daripade David Arquette di Woodsboro, juga sepasang Tucker & Dale. Fungsi orang-orang tersebut di film ini adalah ngegenepin cast-nye jadi 8. Maka, bisa disimpulin kalo jumlah keseluruhan carnage maksimalnye tu 7 soalnye kite semua tau bakal ada 1 yg idup. Lebih malangnye lagi -bagi kite para penonton- sejak dari bagian ini pun kite udah tau orang itu tuh siape. Dengan semua faktor kejutan praktis keeliminasi, nontonin setup panjang menuju momen penyerangan hiunye kerasa sama menyiksanye kaya nonton marathon reality show MTV, di mane sejumlah orang dengan talenta minimal ngerasa kalo dirinye istimewa semata-mata cuman soalnye mereka ngelakuin hal-hal ngga istimewa di depan kamera. Buat sebuah alesan tertentu, Hollywood mutusin kalo make pendekatan video-internet amatir adalah cara terbaik guna memajukan produknye, mungkin abis nyadar kalo jumlah view video Rebecca Black di youtube tuh jauh lebih banyak dari jumlah tiket Green Lantern yg kejual di bioskop.

Tergambar di atas: gimane Katharine McPhee menyihir penonton buat jadi runner-up di American Idol

Sejujurnye, sang sutradara udah berusaha buat, secara harfiah, nge-fast forward bagian ini dengan sejumlah sekuen Charlie Brown. Sayangnye, die nyalahgunain klise guna nyiksa kesabaran audiens segimane Ke$ha nyalahgunain musik untuk nyiksa gendang telinga kite. David R. Ellis bener-bener sukses bikin satu setup yg praktis bener-bener unwatchable, kecuali kalo lo nganggep montase trailer buat acara sejenis “MTV Spring Break Award” ape semacemnye tuh tergolong sesuatu nan watchable ye? Beda cerita. Karakter-karakternye ngelakuin segala hal yg mungkin dilakuin segerombolan jocks ama pacar cheerleader mereka pada sebuah pesta yg mane lo kaga mungkin diundang. Ngeliatnye lama-lama kerasa kaya nonton tim basket SMA lo dulu bertanding; satu lapangan penuh orang-orang dengan sejumlah variasi tingkat ketampanan, tanpa ada satu pun diantaranye punya skill memadai buat bikin apaan yg mereka lakuin jadi keliatan ngga buruk. Jadi, begitu Malik kudu keilangan tangannye gara-gara dosa untuk jadi salah satu dari 2 anggota cast yg beretnik minoritas, gue ngerasa bahagia soalnye ternyata di luar sana ada makhluk laen yg muak ama idiot-idiot ini selaen orang yg nonton filmnye.

Kalo hiu ngga mau ngebunuh orang-orang ini, maka gue bakal ngelakuinnye dengan senang hati

Abis nunjukin total 1.5 emosi buat apaan yg baru aje terjadi (alias 1.5 emosi lebih dari yg pernah ditunjukin Droopy sepanjang kariernye), para anggota cast kite ngelakuin hal yg paling logis dilakuin di perairan berhiu: bolak-balik masuk ke dalem aer. Ini masuk akal mengingat semua masalah dalem film yg judulnye “Shark Night” harus diselesaiin di dalem aer kaya gimane segalanye yg terjadi di dunia pro-wrestling selalu diselesaiin di atas ring. Eh, gue udah nyebut belon kalo ini tuh danau, bukan laut? Tentunye itu nimbulin pertanyaan kenape hiu bisa idup di danau? Satu plot-hole yg ditutup ama para penulis naskahnye dengan eksposisi bahwa ini tuh danau aer asin. Titik. Ngomongin eksposisi, hal itu dinarasiin dengan sedemikian menggelikannye sampe voice-over John Goodman di RAGE jadi keliatan subtil kalo dibandingin. Faktor eksposisi itu sendiri penting soalnye di babak keduanye, para produsernye kayanye nyadar kalo mereka lagi bikin film PG-13 & mutusin buat sama sekali banting stir dari pakem stereotip film ekploitasi-nanggung ke pakem stereotip film slasher-nanggung. Mereka bahkan nyelipin twist menggelikan yg keliatan kaya apaan yg bakal dilakuin M. Nigh Shyamalan kalo die nyutradarain sekuelnye Open Water. Itu sebelon mereka trus nyadar kalo sebenernye lagi bikin creature feature SyFy & ngerasa kudu masukin adegan “hiu terbang” yg dicolong langsung dari Jaws 2, sama sekali terasing dari konsep bahwa ngga ada film bagus pernah nyolong apepun dari Jaws 2.

Selamet, lo udah ngeliat satu-satunye yg perlu diliat dari Jaws 2

Ok, gimane dengan gore-nye? Ini PG-13, gore macem ape yg sebenernye lo harepin? Mungkin kedengerannye konyol, tapi Sharktopus keliatan lebih gore dari film ini. Mayoritas “serangan hiu”-nye disimbolin ama aktor/aktris ngejerit sekeras mungkin sambil ngelakuin gestur dansa retarded dengan buih & riak di sekitarnye kaya seorang balita asshole pas die buang aer di kolam renang umum. Ini berbahaya soalnye ngasih impresi salah ke orang-orang kalo “karaoke dalem keadaan mabok” adalah cara beladiri terbaik pas diserang ama hiu di laut (ape danau, seperti dalem kasus film ini).

“YOU ARE THE DANCING QUEEEN. YOUNG & SWEET. ONLY SEVENTEEEN!”

Sebagian laennye diliatin pake sudut pandang orang pertama, ini artinye kite lebih sering ngeliat close-up muke keringatan ama hiu nabrak kamera daripade gambar predator laut ngunyahin anggota cast.  Dengan nudity ama gore minimal, nyaris ngga ada apepun yg bisa nyelametin Shark Night 3D dari jadi satu film jelek nan menyebalkan. Momen dumb-fun tunggal di keseluruhan durasinye cuman pas Malik, dengan satu tangan, mutusin buat ngelakuin duel satu lawan satu pake tombak lawan hiu di pinggir pantai demi nuntut bales kematian Maya (gue rasa itu bukan spoiler, semua tau Maya pasti mati soalnye doski bukan kaukasia). Misalnye David R. Ellis ngebanyakin adegan-adegan gini & bukannye fokus pada bikin edisi khusus Shark Week buat Jersey Shore, gue yakin Shark Night bakal jadi film yg sama sekali beda & kite, serta para hiunye, ngga perlu punya napsu ngebunuh sedemikian tinggi yg dihasilkan dari ngeliatin douchebags bertingkah kaya douchebags selama 20 menit pertama.

“Your deaths will be slow & agonizing, assholes” – Sharkboy

Nah, mengingat orang-orang yg mroduksinye ngabisin banyak waktu, tenaga, ama duit buat bikin film ini. Pertanyaan pertama di kepala gue adalah kenape mereka ngebuang-buangnye buat sesuatu yg segini buruk?

Pertanyaan kedua: ape boobs bisa  bikin seseorang  berenang lebih cepet dari ikan hiu?

Ada kemungkinannye ini emang sengaja direncanain untuk jadi film buruk, dengan skrip idiotik & akting mengerikan, soalnye para eksekutif Hollywood tau kalo kite, para b-tards, punya kecenderungan lebih buat nyebarin sesuatu yg –secara menggelikan-buruk daripade sesuatu yg bisa dinikmatin secara waras. Kenyataan kalo kite tuh pricks menyebalkan yg suka banget ngetawain kegagalan orang laen dalem usaha kreatif mereka adalah sebuah fakta yg udah jadi pengetahuan mainstream. Penggemar B-movies terkenal suka nikmatin sesuatu secara ironis, maka sekarang media-media raksasa sengaja bikin hal-hal yg keliatan kaya itu tuh –dengan ngga sengaja- buruk, supaya kite tertarik. Sejelek-jeleknye publikasi tetep aje intinye itu publikasi, dan kalo orang ngebagiinnye secara sukarela, itu artinye publikasi gratis. Itu makanye HHD naro semua tombol social-media yg ada di ujung setiap posting kite. Kebiasaan nyebarin hal buruk tuh sesuatu yg orang-orang kaya Kreayshawn bisa eksploit buat ngasih atensi pada ketidakmampuannye untuk memiliki talenta apepun. Soalnye keberhasilan doski sepenuhnye bergantung pada sifat dasar kite sebagai asshole buat nyebar-nyebarin sambil ngetawainnye, atau, kaya dalem kasus Goatse; nyebarin-nyebarinnye ngarepin orang laen bakal muntah pas ngeliatnye.

Salah satu hiu meledak sebagai reaksi alamiah abis  ngebuka link ke meatspin.com

Ini ngebawa gue pada pertanyaan berikutnye: mungkin ngga sih selera buruk dikooptasi? Nonton Shark Night 3D bikin gue nyadar kalo, iye, itu mungkin aje. Tentunye ini bukan pertama kalinye Hollywood ngelakuin hal macem gini, cuman di sini itu keliatan sangat transparan kaya seakan-akan mereka berusaha pun udah ngga. Gue ngga tau ape “selebritis” macem Kim Kardashian & Kreayshawn secara khusus ngeagendain strategi serupa demi kepentingan karier mereka (gue menolak buat ngelakuin riset dalem bentuk apepun soal Kim Kardashian ataupun Kreayshawn sebelon HHD naekin gaji gue) tapi berhubung ada pasar yg nikmatin ironisme dari nonton film buruk, Hollywood cuman ngeluarin judul baru tanpa effort ape-ape buat bikin itu jadi bagus. Mikir kalo bikin sebuah B-movie tuh sama dengan “bikin shitty movie khusus untuk orang-orang dungu”. Mereka ngerusak segalanye yg menyenangkan dari nikmatin komedi-komedi spontan nan kebetulan yg bikin koneksi internet jadi worth it buat dibayar, pake hal-hal terencana yg, selaen sama sekali ngga punya nilai komedi ataupun spontanitas, juga ngga terjadi secara kebetulan.

Peter Jackson ngga pernah ngerencanain ini buat keliatan segini lucu

Ape ini keadaan industri film secara keseluruhan? Ape mereka emang udah sedemikian mentoknye ngeluarin film memalukan, remake buruk, ama adaptasi tolol sampe mereka praktis udah nyerah & cuman bikin apepun seadanye ngarepin kalo, minimal, penggemar film jelek bakalan bisa nikmatin ironinye? Serius? Ape industri film internasional tuh namanye William Hung? Soalnye gue sumpah ngga ngerti apaan yg mereka mau. Kalo niatnye parodi, terus kenape semuanye harus pura-pura serius? Sementara kalo niatnye emang serius, kenape hasilnye harus seburuk ini? Iye, bahkan gue pun nganggep kalo film ini buruk. GUE -orang yg bisa nikmatin Troll 2 tanpa masalah- masih ngerasa nonton Shark Night 3D tuh ngabisin waktu sia-sia. Dan waktu gue umumnye cuman diisi dengan nge-photoshop muke Zooey Deschannel ke badan seorang bintang bokep, sesuatu yg sebenernye bisa dicapai cukup dengan nge-googling foto bugilnye Katy Perry. Kalo dipikir-pikir mendingan gue lakuin aje itu sekarang daripade terus ngomongin film ini.

Kalo lo punya koleksi boobs ama B-movies, sape yg butuh Shark Night 3D??

.

.

Advertisements

4 thoughts on “SHARK NIGHT 3D: AN INTELLECTUAL OVERVIEW

  1. Flm slasher… eh ratingnya PG-13, masih bisa disebut slasher gak, ya? Saya ogah nonton film dimana karakternya cuma teriak2 jadi pass.

    Like

  2. ahahaha.. saya demen ama blog anda gan.. lucu.

    Like

Spit it Out

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s