FRIGHT NIGHT’11: AN INTELLECTUAL OVERVIEW

December 13, 2011 by zombem 8 Comments

Apaan bedanye vampir Transylvania ama vampir Irlandia? Vampir Transylvania minum darah, vampir Irlandia minum darah…dan whisky.

.

Cuman ada 2 hal yg perlu diketahui dari Fright Night 2011:

1. Ini tuh remake, ama…

2. Ini film vampir.

Itu  cukup buat bikin 90% horror-fans dengan seketika keilangan minat nontonnye. Ngedenger satu studio bikin remake sebuah film vampir di jaman sekarang gini, pas dua-duanye punya reputasi nan sedemikian menyedihkan, tu semacem ngedenger orang punya ide bikin 2 Girls 1 Cup: The Movie.

Gue ngga ngerti kenape proyek-proyek yg dapetin lampu ijo dari studio gede tuh selalu yg kedengeran kaya ide paling buruk dalem sejarah. Saat ini, nyaris semua orang benci remake ama benci vampir, gue menolak percaya kalo sebuah korporasi kaya Dreamworks ngga paham ama kenyataan tersebut, jadi apaan yg mereka lakuin? Bikin remake dari film vampir! Ajaib! Orang-orang ini mroduksi film pake konsep yg sama ama seseorang dengan kamera webcam & koneksi internet mroduksi video youtube: mereka tau hasilnye buruk, mereka tau bakal dapet 300 komen yg setiap bijinye cuman bakal didedikasiin untuk secara kreatif ngasih tau betapa ngga berbakatnye mereka, tapi mereka tetep ngelakuinnye. Kenape? Soalnye mereka bisa.

Persis kaya kite para blogger

.

Bagi yg kurang familiar ama Fright Night, gue bakal secara singkat ngejelasin kalo itu film vampir yg ngewakilin semangat B-movie 80-an sejati: campy dumb fun. Sebagian nganggepnye kult-klasik tapi, secara pribadi, gue sih ngga. Versi orisinil ’85 Tom Holland-nye kurang nonjok buat jadi tontonan kult sejati di mata gue. Toh, dengan semua kekurangannye, gue tetep ngakuin kalo ceritanye penuh karakter-karakter menarik yg sekali diliat ngga akan bisa dilupain, serta mungkin salah satu judul yg paling sukses nyampurin sitcom ama mitos vampirisme.

Di versi modern 2011-nye ini, Anton Yalchin berperan jadi Charley Brewster, seorang pemuda 20 sekian taun yg sibuk berusaha bikin penonton percaya kalo die masih SMA. Idupnye sendiri sebenernye ngga terlalu bermasalah. Die punya pacar yg digila-gilain banyak orang; Amy (Imogen Poots), juga dianugerahi seorang single-mom (Toni Collette) tipe-tipe sangat pengertian yg cuman eksis di dalem film doang. Oiye, settingnye dipindahin ke Las Vegas, jadi die juga punya tetangga stripper bernama Doris (Emily Montague) yg kite semua tau bakalan mati dalem setengah jam ke depan. Itu sih udah pasti, pertanyaannye cuman –berhubung film ini ratingnye R- apa kite bakal sempet ngeliat boobs doski dalem prosesnye?

Kalo dilepas, ini punya kekuatan eksplosif buat ngebunuh jutaan calon anak cukup dengan sebuah foto

Berhubung Vegas adalah tempat transit favorit orang-orang buat buang-buang duit ataupun ngelakuin pernikahan yg dijamin bakalan diseselin pelakunye seminggu kemudian, wajar kalo orang sering dateng & pergi gitu aje. Makanye ngga aneh misalnye Charley ama nyokapnye punya tetangga baru, kite belon diliatin mukenye, tapi dari posternye kite semua tau die Colin Farrel. Kite semua juga tau kalo die vampir soalnye ini remake & kite udah pernah nonton sebelonnye. Penulis Marti Noxon (alumni serial Buffy the Vampire Slayer) sebenernye berusaha ngejaga interes penonton veteran dengan cara bikin sejumlah perubahan-perubahan minor di sana-sini, termasuk naro sepasang douchebag sebagai sohib baru Charley, tapi inti plot-nye tetep sama. Jujur aje gue ngga suka ide dari Charley nangkring bareng sepasang douchebag, cuman kayanye keberadaan karakter kaya gitu udah wajib hukumnye di dalem horror remaja milenium baru. Kite tunggu aje apa “modernisasi” dari cerita ini termasuk bikin Colin dilengkapin ama feature khas generasi vampir terkini: kemampuan untuk keliatan kaya tampilan profil situs jejaring sosial yg selalu bikin web-browser lo crash taun 2005 dulu.

Kembali ke cerita, waktu Charley duduk dalem kelas keliatan kaya veteran yg udah 4 kali ngga naek, kite ditunjukin kalo ada jumlah signifikan siswa yg absen. Tentunye bolos sekolah tuh hal yg umum dilakuin ama anak SMA, cuman kite juga tau bahwa remaja-kebunuh-tanpa-ketauan adalah hal yg umum terjadi dalem film dengan kata “fright” ape “night” pada judulnye. Pada momen inilah kite ketemu “Evil” Ed Thompson (di sini ganti nama jadi Ed Lee) yg tragisnye diperanin Christopher Mintz-Plasse, aktor dengan tampang paling ngga evil dalem sejarah. Asumsi gue adalah soalnye sutradara Craig Gillespie pengen bikin Ed jadi seorang mega-nerd, makanye die nge-cast satu-satunye personifikasi “loser” sejati yg availabel kalo seorang casting-director ngga sanggup nemuin nomer kontaknye Tron Guy.

Skill akting utamanye tuh “sanggup ngebedain Call of Duty 3 ama Battlefield 3  tanpa perlu ngeliat boksnye”

Kembali ke plot, Ed akhirnye berhasil mojokin Charley buat berinteraksi, sesuatu yg jagoan kite mati-matian berusaha hindarin sejak pas film ini dimulai. Jadi ceritanye, pada suatu ketika di jaman dahulu kala, Charley, Ed ama orang mati yg namanye Adam tu sohib kentel yg suka cosplay bareng. Seiring berjalannye waktu, karena sebuah alesan tertentu Charley ngga mau lagi deket-deket ama Ed, gue asumsiin itu gara-gara faktor “pernah cosplay bareng” yg disebutin barusan. Diantara drama Facebook remaja tersebut, kite dapet penampakan awal Colin Farrel, die jadi Jerry Dandrigde, sang vampir &, dari tampangnye, kite bisa simpulin kalo die pasti alkoholik. Jerry pindah ke Vegas soalnye keidupan nokturnal penduduknye sangat sempurna ama pola idup seorang vampir. Plus, die bisa tetanggaan ama stripper & seorang single-mom, tentunye ini keliatan kaya lingkungan yg jauh lebih vampire-friendly daripade Kryziu Kalnas.

Tempat itu lebih non-toleran pada vampir daripade Vatican

Seperti biasanye di cerita ginian, ngga ada orang yg tau kalo Jerry tuh sebenernye vampir, kecuali Ed. Dan sebenernye die ngasih tau info krusial ini ke Charley. Sayangnye Charley sama sekali menolak buat percaya seperti lazimnye karakter-karakter film horror pada umumnye. Setelah pertukaran dialog cukup menarik, Charley cabut ninggalin Ed buat pergi nemuin Amy. Ini jelas dikarenakan Amy tuh seorang perempuan sementara Ed adalah…Christopher Mintz-Plasse, gue yakin semua orang juga bakal ngelakuin hal yg sama. Namun, begitu besoknye jumlah anak absen di kelasnye makin membengkak, Charley mulai ngerasa kalo ada sesuatu yg salah, terutama waktu die pergi ke rumah Ed & ngeliat penampakan dari Lisa Loeb di sono. Abis sekelebat momen yg ngebawa kite semua ke taun ’94 tersebut, die masuk kamar (mantan) sohibnya tadi & ngebuka-buka semua folder di komputernye, sesuatu yg dijamin bakalan selalu dilakuin ama seorang temen deket, untuk ngebuktiin kalo –dalem komputer laki-laki- selalu ada sebuah folder yg ukurannye lebih gede dari semua folder laennye digabungin.

Kini, Charley mulai mikir gimane kalo Ed itu ngga gila & Jerry emang beneran vampir? Kecurigaan ini semakin memuncak pas Jerry nongol di pager rumahnye dengan modus bahwa die kebetulan keabisan alkohol pas punya kencan ama Doris, alias sang stripper. Kecurigaan ini tentunye sangat wajar soalnye orang itu tuh Colin Farrel, kapan die pernah keabisan alkohol??? Audiens ngerasa saat ini Charley harusnye udah bisa ngambil kesimpulan nan obvious, mereka juga ngerasa kalo ini waktu sempurna bagi Emily Montague buat nunjukin boobs doski.

Kalo dilepas, ini punya kekuatan buat: A) Ngeroketin karier akting pemiliknye B) Bikin film jelek yg doi bintangin jadi lebih ditolerir ama orang yg nonton

Namun, kamera tetep fokus pada kamar Charley & Amy mulai nge-tease kaya seakan-akan doskilah yg bakalan nunjukin boobs duluan. Gue tau kalo Emily Montague emang lebih hot daripade Imogen Poots (selaen juga punya nama lebih enak didenger), tapi, hey! A boob is a boob is a boob is a boob. Ga masalah punya sape. Sayangnye, Amy ngga jadi ngebuka bra doski berhubung Charley kayanye malah terlalu sibuk mikirin Jerry. Meskipun dalem film vampir adalah lumrah bagi seorang cowo buat ngebayangin cowo laen, itu bikin elemen esensial boobs-sighting tontonan ini jadi sepenuhnye bertumpuk pada pundak Emily Montague. Kebetulan abis itu doi ngejerit & Charley manggil polisi. Polisi dateng, ngetok pintu, terus pergi soalnye yg ngebukainnye Colin Farrel jadi mereka mikir itu cuman suara tereakan Nicole Narain dalem proses mroduksi sextape baru. Berhubung ngga ada kabar dari Doris maupun boobs doski, Charley mutusin buat nyelinep masuk rumah Jerry pake apaan yg pasti adalah satu dari segelintir aplikasi smartphone yg emang ada gunanye. Seperti biasanye di dalem sono gelap, mungkin soalnye itu kebetulan malem-malem & Charley sama sekali ngga kepikiran buat nyalain lampu.

Lo ngga akan percaya betapa tingginye populasi orang yg ngga tau fungsi benda ini dalem film horror

Dalem sesuatu yg ambigu antara ape itu sebenernye keberutungan atau kesialan, Charley sukses nemuin Doris kekonci dalem ruangan.  Doski keliatannye panik gara-gara sesuatu. Doski juga kebetulan masih pake baju. Maka Charley ngasih doi perlakuan tipikal seorang gentleman dari forum internet untuk ngejelasin situasinye.

Forum-internet: Sumber pria kesepian paling utama di dunia

Doris gagal dalem tes tersebut, dan dalem sekejap ngga ada sapepun yg peduli ama nasibnye kecuali itu ngelibatin lesbianisme.

Charley berhasil kabur & sekarang die tau kalo tetangganye tuh vampir, jadi, die pergi ngedatengin Peter Vincent (David Tennant); seorang pesulap yg nge-klaim bahwa die juga master ilmu hitam, dalem rangka minta tips-tips tepat guna soal gimane caranye ngebunuh vampir, gue asumsiin soalnye  “ngebunuh vampir” adalah salah satu hal yg ngga cukup untuk sekedar di-googling caranye buat dipraktekin sendiri. Perlu dicatet bahwa Peter Vincent di sini udah dimodifikasi jadi hippie mabok hibrida dari Rob Zombie ama Criss Angel dengan aksen buruk. Yg juga hobi beraksi depan umum pake setelan kostum yg bahkan seorang David Lee Roth di masa jayanye sekalipun ngga akan sudi make soalnye kelewat menggelikan.

Pendeknye, die tuh semacem Johnny Depp pada hari dimane die ngga terlalu gila

Kaya bisa diperkirain, Jerry  jelas ngga akan diem gitu aje ngebiarin tetangganye nyebarin rahasia berbahaya kalo die sebenernye makhluk satu spesies yg sama ama Edward Cullen. Maka die mulai berperilaku agresif dalem usaha desperate ngebuktiin bahwa ngga semua vampir tuh fantasi-masturbasi-cewe-gendut bertaring dengan rambut Bruno Mars. Dari situ film ini penuh diisi aksi vampirisme vs metode anti-vampirisme klasik, sesuatu yg audiens masa kini selalu salah artiin sebagai:

A.  Mamerin torso photoshopan, dan…

B. Ngemasturbasiin gituan.

Pra-photoshop, vampirisme artinye: A) Squeeze boob B) Lick neck

Sebagai pengikut kepercayaan lama bahwa seorang vampir harus punya momen waktu die keliatan jelek, spesial-efeknye cukup lumayan biarpun itu didominasi CG segimane layaknye sebuah produksi modern, tapi kalo ngedenger kata “remake” sih harusnye lo udah siap ngeliat gituan. Dengan itu dipertimbangin, gue bisa dengan seneng ngelaporin bahwa mereka tetep mertahanin tampilan vampir campy film orisinilnye, lengkap dengan beberapa sekuen di-shot ulang sebagai homage. Ini termasuk ngelakuin makeover terhadap adegan klasik “gaun putih” yg berhasil dieksekusi secara ciamik. Craig Gillespie kayanye cukup punya respek pada materi aslinye untuk ngasih vibe “retro” kentel di beberape sekuen tertentu sekedar supaya audiens bisa sedikit nostalgia.  Sayang mereka ngga nambahin unsur lesbianisme di dalemnye. Kehadiran sedikit nuansa lesbo bakalan bener-bener kerasa kaya throwback buat audiens generasi gue; kite-kite yg belajar apa artinye kata “lesbian” dari nonton Vampyros Lesbos.

Sementara ini adalah gimane 75% dari kite belajar bahasa Inggris

Ini mungkin kedengeran konyol, tapi kenyataannye remake Fright Night punya lebih banyak revisi pada skrip aslinye dibandingin prekuelnye The Thing. Marti Noxon bikin sejumlah perubahan dalem cerita, ok, semuanye emang cuman perubahan minor pada detil-detil spesifik sih, tapi seengganye die ngeliatin usaha buat ngga sekedar ngimitasi film aslinye doang. Nyaris semua karakter punya motif ama latar belakang baru; Charley ada di geng cool sekolah, Amy tuh cewe populer, Ed adalah stereotip fanboy masa kini & Peter Vincent itu Kapten Jack Sparrow mokalin band gothic-metal. Ngga semua perubahan ini bagus emang, Ed jadi praktis kaga punya pengaruh berarti dalem versi cerita ini & banyak adegan-adegan paling konyolnye dulu diilangin soalnye film ini langsung nunjukin identitas Jerry sebagai vampir secara keburu-buru. Tapi kadang mereka ngelakuinnye dengan bener, kaya keputusan ngerubah Peter Vincent dari host acara TV berbau Hammer House of Horror jadi seorang pesulap. Itu masuk akal mengingat “host acara TV horror” itu sesuatu yg udah punah, sama kaya ngegunain telpon cuman buat nelpon orang.

Itu sebelon “motret satu sama laen pas pake baju dalem” lewat HP jadi epidemik global

Tentunye, keputusan untuk ngga berusaha ngimitasi judul aslinye tuh logis mengingat versi barunye ini diisi ama cast yg 100% inferior. Gue ngga bilang penampilannye buruk semua, cuman jelas ngga ada ape-apenye dibandingin performa pemaen-pemaen yg dulu. Jerry Dandridge jauh lebih karismatik pas diperanin Chris Sarandon. Die jenis-jenis vampir old-school, satu yg manfaatin persona serta kemampuan speak-dewanye buat ngehasut orang supaya bersedia secara sukarela digigit. Colin Farrel sama sekali ngga ngekspos sisi itu, die cuman sekedar pasang muke sangar kaya seakan-akan die masih jadi lawan maennye Ben Affleck di Daredevil. Anton Yalchin juga ngga pernah bisa se-hilarious William Ragsdale & Imogen Poots ngga punya tampilan klasik Amanda Bearse. Paling parah dari semuanye ya Evil Ed, yg peran memorabelnye di tangan Stephen Geoffreys jadi praktis ngga punya arti signifikan di tangan Christopher Mintz-Plasse. Sejujurnye sih David Tennant cukup fantastis sebagai Peter Vincent. Sayangnye tokoh spesifik itu dulunye dilakonin Roddy McDowall dengan performa yg cuman bisa dikalahin Sid Haig di House of 1000 Corpse, jadi buat bisa keliatan lebih keren dari itu tuh sebenernye praktis mustahil. Toh, David Tennant bisa dibilang cukup berhasil nge-handle peran yg se-hiperbolis itu, seengganye die sukses nunjukin betapa achterlijk-nye celana kulit tuh keliatan kalo dipake ama pria dewasa.

Sama. Sekali. Ngga. Menggelikan. Gue yakin

Verdict-nye? Fright Night 2011 ternyata ngga seburuk yg diprediksiin banyak orang. Biarpun ngga pernah keliatan selucu/semenghibur judul aslinye, Craig Gillespie ama kru-nye masih berhasil ngedaur-ulang produk 80-an tanpa itu kudu keliatan sehambar remake-nye Conan the Barbarian ataupun semenyebalkan prekuelnye The Thing. Sebagai remake, ini satu yg cukup mawas diri, ngga ngejanjiin terlalu banyak & berhasil nepatinnye sesuai kapasitas. Mereka ngemodif ceritanye dikit, nambahin opening ama ending-title fancy, juga naro soundtrack lebih up-to-date, semuanye tanpa ngerasa perlu punya niat jadi lebih superior dari materi aslinye. Udah kok, cukup. Sebenernye itu doang kan yg perlu dilakuin remake? Nunjukin ulang semua yg menyenangkannye dari masa tontonan cheesy yg telah lalu? Sebuah remake tuh harusnye berfungsi guna ngedukung produk orisinilnye, bikin itu relevan ama perubahan jaman. Bukan ngerubahnye jadi keliatan dungu.

Sederhana aje kok, kenape Hollywood selalu bikin segalanye jadi susah?

.

.