His Hero is Demon

Making Horror A Cheesy Catchphrase Since…Just Now

DRIVE: AN INTELLECTUAL OVERVIEW

13 Comments

Nonton Drive rasanye kaya naek mobil dalem perjalanan antar-kota, bareng ama sodara yg ngga muter apepun selaen album kompilasi “I Love the 80’s” bolak-balik. Lo ngga pengen ngapa-ngapain selaen cepet nyampe tujuan sekedar buat ngerasain leganye pas penderitaan lo berakhir.

.

Sejujurnye, tadinye gue ngga tau terlalu banyak soal Drive. Gue ngga tau sape yg maen, gue ngga tau sape yg bikin, dan gue ngga tau ceritanye soal apaan. Satu-satunye yg gue denger tuh kalo ini adalah film romantis yg ngelibatin kekerasan vulgar ama Ron Perlman di dalemnye. Jadi, dalem apaan yg gue pikir adalah jalan tengah terbaik nyari tontonan buat dinikmatin bareng ama kekasih nan tercinta, gue ambil film ini dari lapak DVD dengan tujuan nunjukin ke Sang Belahan Hati bahwa gue juga punya sisi romantis. Berhubung artikel ini keliatannye kurang sukses mencapai tujuan tersebut, maka gue pikir muter film yg dibintangin ama salah satu anggota cast The Notebook bakalan bisa lebih kena sasaran. Bukannye gue ngga pernah nyobain strategi serupa sebelonnye lho ye, tapi Rise of the Planet of the Apes ternyata minim elemen romansa. Berhubung gue cuman mau berhubungan ama cewe yg masih punya cukup akal sehat, maka doski ngga sudi nonton film “romantis” yg terkenal itu. Soalnye doi sadar sepenuhnye kalo kisah soal seorang stalker, ngintipin gadis comatose yg umurnye lebih muda ribuan taun tuh lebih cenderung “creepy” daripade “romantis”.

.

Film ini secara eksotis dibuka pake soundtrack bokep 80-an plus titel dengan fonts ala neon-sign strip-club (lengkap dengan warna ala neon-sign strip-club), ketika seorang cowo ngomong dengan cara ngomong badass pada umumnye kalo die bakalan nyetir mobil pelarian dari sebuah aksi perampokan. Cowo tersebut diperanin ama Ryan Gosling, aka The Notebook dude, dan berhubung sutradara Nicolas Winding Refn kayanye lupa nyebutin nama karakternye di sepanjang film ini, maka mulai saat ini gue bakal nyebut die sebagai “Notebook”.  Jadi, si Notebook ini ceritanye sopir pelarian nan badass, meski gue ngga ngerti apaan yg badass dari karakter dengan jaket badminton, cuman kayanye sih itu aura yg berusaha mereka tampilin. Mungkin soalnye die alumni The Notebook, karena film tersebut emang nyeritain soal itu kan? Sekumpulan badass?

Ini gambar pertama yg nongol pas gue ngetik “badass” di google search

Sayangnye, sebelon bisa mulai nikmatin aksi badass apepun, kite kudu ngeliatin die nungguin para perampoknye ngelakuin perampokan. Serius, berhubung Notebook ngasih bates waktu 5 menit bagi para perampoknye untuk beraksi, Mr. Winding Refn ngerasa kalo bener-bener bikin kite nunggu selama 5 menit sebelon apepun terjadi adalah ide brilian. Ide macem apa itu?? Lagi ada perampokan di tempat laen! Kenape kite malahan ngeliatin Notebook duduk-duduk sambil menatap kosong di dalem mobil? Pas nunggu beneran aje kite ngelakuin sesuatu biar ngga bosen; ngerokok kek, denger mp3 kek, maen PSP kek, yg jelas ngga blah bloh menatap kosong, terus…kenape kite kudu ngeliatin orang blah bloh menatap kosong waktu kite lagi nonton film?? Setelah durasi panjang dari apaan yg rasanye kaya nontonin keseluruhan trilogi saga Twilight, akhirnye, Notebook mulai nyetir mobil pelariannye. Ape die ngegeber mobilnye kenceng-kenceng di jalanan LA, ngegulingin mobil polisi ama ngerusakin gedung-gedung sekitar kaya namanye tu Vin Diesel? Mungkin, gue ngga pernah tau soalnye frame kamera secara narsistik selalu fokus ke mukenye. Gue ngga tau kenape, tapi mungkin struktur muka Ryan Gosling  punya makna fetish yg sama bagi Nic Winding Refn segimane kakinye Uma Thurman buat Quentin Tarantino.

“Nic, dude, seriously. Cut that shit off, you’re scaring me”

Abis ngabisin waktu natapin Notebook menatap apepun yg dari tadi die tatap selama beberapa menit, jagoan kite ini mutusin buat masuk ke gang-gang sempit & sembunyi dari kejaran polisi, suatu hal yg ironis mengingat bahwa film ini judulnye “Drive”, bukan “Hide”. Untuk seseorang yg digambarin sebagai seorang maestro di belakang kemudi, sekuen ini sama sekali ngga berhasil bikin dirinye keliatan impresif. Tentunye, rencana pelarian fantastis ini bisa dibilang absurd soalnye itu ngegantungin keberhasilannye pada kemenangan dari klub basket Los Angeles Clippers. Jujur aje, kans Clippers menang sebuah pertandingan NBA tuh lebih kecil dari kemungkinan Vengaboys bisa punya hit-single baru, toh, di sini rencana tersebut berlangsung mulus soalnye film ini emang 100% bullshit. Nah, ternyata nyupirin perampok pas kabur dengan duit rampokan tu cuman sekedar side-job buat Notebook, sebenernye mata pencaharian utamanye adalah sebagai stuntman sekaligus nyambi jadi mekanik di bengkel punya seseorang bernama Shannon (Bryan Cranston). Shannon ini ngedeskripsiin Notebook seakan-akan jagoan kite ini tuh orang paling berbakat yg pernah die liat. Ini ngebingungin soalnye dari tadi keahlian utama Notebook keliatannye cuman terbatas pada berpose, sebuah kualitas yg, setau gue, ngga terlalu dicari pada diri seorang mekanik/stunt-driver.

Bengkel tempat die kerja pasti namanye “Abercrombie & Fitch”

Menyadari bakat terpendam nan fenomenal tersebut, Shannon ngerasa kalo nyuruh seorang model pria ikutan balapan NASCAR bakalan ngasih keuntungan gede, untuk itu die butuh modal & minjem 300 rebu Dollar dari Bernie (Albert Brooks) beserta partnernye Nino (Ron Perlman, orang paling cool di keseluruhan cast), sepasang gangster-lokal yg beroperasi ngejalanin restoran pizza di mane mereka mraktekin bisnis rahasia ilegal dari ngejualin es krim behind-the-counter. Gue ngga tau sejak kapan restoran pizza tu jadi sesuatu yg gangsta ataupun kenape orang dateng ke situ buat beli es krim, cuman gue asumsiin itu ada hubungannye ama kredit awalnye nan…”eksotik” tadi.

Dengan fonts kaya gini, lo tau mereka pasti bakalan masukin kata-kata yg identik ama bokep ke dalem skripnye

Seperti biasa, minjem duit ama orang-orang macem gitu kemungkinannye ngga akan berakhir dengan baik, tapi Notebook ngga nyadar soalnye die lagi sibuk flirting ama seseorang yg –keliatannye- adalah single-mom manis bernama Irene (Carrey Mulligan). Maka die pun berakting sebagai gentleman dengan nganterin doski ama anaknye; Benicio pulang sambil ngangkatin belanjaannye. Seperti kite ketahui, ini adalah hal-hal yg cuman secara khusus dilakuin cowo pas die lagi PDKT, pas udah jadian maka die bakalan terlalu sibuk maen video-game ama nonton bola buat ngurusin gituan. Notebook nyadar kalo Irene punya foto bokapnye Benicio kefigura di rumah. Sayangnye, harepannye kalo orang itu udah mati & doski cuman nyimpennye buat alesan sentimentil semata harus punah pas Irene bilang bokapnye Benicio lagi ada dalem penjara. Toh, abis nyimpulin bahwa penjara tuh notabene sama aje ama kematian kalo diliat dari status pernikahan, Notebook mutusin buat terus nyari muka dengan cara ngejalin hubungan baek sama Benicio, nemeninnye nonton film kartun sementara die ama Irene ngabisin banyak banget waktu menatap satu sama laen. Sang sutradara jelas kurang bagus dalem hal editing, momen-momen “saling bertatapan” ini berlangsung secara permanen sampe adegan-adegannye keliatan kaya itu dibikin dari selembar foto yg di-pan pelan-pelan pake Adobe Premier.

Tergambar di atas: 70% dari plot Drive

Dengan ngesampingin kesalahpahaman Nic Winding Refn dari ngerti yg dimaksud “motion-picture” tuh sebenernye apaan, manuver-pimpin’ Notebook sendiri nyaris berhasil sampe, pada suatu ketika, Irene ngasih kabar kurang menggembirakan kalo bokapnye Benicio; Standard (Oscar Isaac) bakal dibebasin sebentar lagi. Notebook ngerasa kesempatannye terancam, die juga ngga abis pikir kenape Irene mau kawin ama orang yg namanye “Standard”. Mendingan doski pacaran sama orang yg sekalian ngga punya nama aje kaya die, seengganye itu berkesan dramatis & misterius, tau kan? Kaya para personel Slipknot. Singkat kata-singkat cerita, kepulangan Standard disambut sebuah pesta meriah yg mane Notebook kaga diundang meski mereka tetanggaan. Ini ngakibatin Ryan Gosling jadi harus ngeluarin talentanye sebagai aktor watak buat nunjukin ekspresi muke “sedih & terluka” yg sama sekali ngga ada bedanye ama semua ekspresinye sebelon ataupun sesudah adegan spesifik ini. Malah, sejujurnye gue ngga tau pasti ape Notebook emang ceritanye “sedih & terluka” gara-gara Standard pulang ape sebenernye die biasa-biasa aje, gue cuman ngasumsiin kalo die sedih soalnye die punya raut muke serta gestur tipikal vokalis band emo remaja dalem sebuah klip kalo pas lagi chorus.

Populer sebagai ekspresi “repressed teenage angst” universal modern

50% dari durasi awal film ini gue lewatin sambil nguap-nguap bosen, namun, akhirnye, ada juga sesuatu nan (semi) menarik terjadi di layar: Standard dipukulin ama sejumlah orang gara-gara masalah utang yg die punya pas tinggal di balik tembok derita. Orang-orang jahat itu kemudian ngancem kalo mereka bakal nyelakain Irene ama Benicio, kecuali Standard mau ngelunasin utangnye tadi. Ngga tau kenape, “pelunasan” tersebut kudu ngelibatin sebuah aksi perampokan pada rumah gadai bareng seorang cewe bernama Blanche (Christina Hendricks), mungkin sebagai hukuman bagi doi karena I Don’t Know How She Does It tuh keterlaluan buruknye. Segimane sutradaranye ngga ngerti konsep “motion-picture”, kayanye Notebook juga ngga ngerti konsep “flirting”, soalnye die ngerasa cara paling jitu buat menikus Irene adalah dengan ngebantuin suaminye ngelakuin aksi perampokan. Gue tau itu kedengeran achterlijk, cumaan, Notebook itu jenis-jenis “cowo romantis idaman” dari generasi Stephenie Meyer, satu yg semua kelakuan creepy ama kecenderungan pskopatiknye bakalan ditolerir kaum Hawa semata-mata soalnye die ngelakuin itu semua sambil tetep keliatan adorable.

Gue yakin kalo yg ngelakuin bukan die, ini bakal tergolong sebagai pelecehan seksual

Kaya sebelonnye, die ngasih bates waktu nungguin 5 menit & lagi-lagi kite kudu ngabisin kurun waktu tersebut buat ngeliatin die duduk-duduk dalem mobil sementara Standard ama Blanche beraksi di dalem. Lalu, drama! Trus die cabut & dalem sekejap berlindung di sebuah motel abis aksi mengemudi minimal. Ape ada yg ngeh kalo film ini judulnye “Drive”?? Terus kenape ngga banyak kegiatan mengemudi di dalemnye?? Kalo Driving Miss Daisy bisa punya lebih banyak adegan mengemudi daripade sebuah film soal pengemudi stunt, maka para produsernye bener-bener kudu meninjau-ulang aspek “mengemudi” dalem film mereka. Kenape ini judulnye Drive? Buried tuh soal orang kekubur, Saw tuh soal orang digergaji, Cube tuh pada dasarnye Saw…tapi dengan kubus & bukan gergaji. Intinye, ada alesan kenape sebuah judul tuh dipake. Taun 97 dulu juga ada film judulnye Drive & yg itu emang film eksyen soal orang-orang kabur ke LA sambil nyetir mobil. Film itu punya alesan jelas kenape judulnye Drive & itu dibintangin Mark Dacascos ama Brittany Murphy. Mr. Winding Refn, kenape lo bisa bikin film yg lebih ngawur dari filmnye Mark Dacascos????

Gimane itu bisa terjadi?

Sisa durasi Drive yg ini sendiri rada sedikit lebih mendingan daripade awalnye, harep catet kalo gue cuman bilang “sedikit” ye? Ngga banyak. Ujung-ujungnye ini bermetamorfosis jadi kisah crime/revenge-thriller/drama generik di mane Notebook ternyata dihianatin & die mulai ngebunuhin semua orang sementara lagu bokep synthesizer 80-an diputer pada latar belakang. Ngga lebih menegangkan dari awalnye sih emang, tapi seengganye die berenti bertatapan ama cewe keparat tadi. Ini adalah bagian di mane Notebook bisa jalan-jalan dengan jaket badminton berlumuran darah tanpa menarik perhatian sapepun di jalanan LA, ama mukulin orang pake palu di tengah-tengah rumah bordil tanpa ada sapepun yg peduli, ama make topeng stunt-double yg sama sekali ngga mirip ama aktor Hollywood manepun. Tentu, gue bakal ngelupain semua ketololan kaya gitu misalnye film ini punya hal menarik buat diliat, sayangnye, itu praktis kaga ada. Nic Winding Refn sedemikian berbakatnye dalem soal ngebuat apepun jadi keliatan ngga menarik sampe die sukses bikin adegan orang nginjek kepala orang laen sampe ancur jadi keliatan boring. Sumpah, scene itu di-shot dengan cara se-non exciting mungkin, diperburuk dengan fakta kalo Mr Winding Refn punya kebiasaan naro kameranye sejauh mungkin dari apaan yg pengen orang liat. Selama adegan “kekerasan vulgar” ini, kite cuman nontonin punggung Notebook pas die ngegerakin kakinye naek turun ngikutin beat retro-pop buruk kaya die lagi ngelakuin tarian hipster-modern menggelikan buat sebuah band absurd di acara musik yg disponsorin Pitchfork. Cuman itu yg kite liat kok, ok, itu ama raut muka terkejut Irene pas doi nyadar kalo doski baru aje french-kissing dalem lift dengan seorang idiot.

“Wait! they don’t love you like I love you, ma-a-a-aps, wait…”

Jujur aje, gue ngga pernah suka film pretentious kaya gini.  Drive bisa dibilang mirip-mirip ama Rubber; sebuah tontonan (sok) arthouse yg berusaha keliatan cutting-edge dengan nunjukin kekerasan di dalemnye. Bedanye, cerita ama ide Rubber tuh jauh lebih orisinil serta eksekusinye jauh lebih violent.  Drive, sebaliknye, ngga ngasih apepun selaen hiperbolisme gaya over-stylize dari gimmick pseudo-noir di antara alur ngebosenin, twist medioker, ama ending hambarnye. Bagi seseorang yg bahkan ngga sanggup nikmatin Rubber secara keseluruhan, nyaris mustahil buat gue untuk bisa nikmatin versi indie-wannabee Hollywood-nye ini. Gue ngga masalah ama karakter ngga ngomong, Jason Voorhees ama Michael Myers praktis ngga pernah ngomong di sepanjang eksistensinye, selama karakter itu ngelakuin sesuatu selaen menatap kosong dengan raut muke “I’m so sad My Chemical Romance wrote songs about me” sepanjang waktu!! Dan seakan-akan kaya ngabisin waktu ngeliatin durasi panjang orang ngelakuin sesuatu nan ngga berarti tuh kurang cukup menyiksa, sutradara Nic Winding Refn ngerasa perlu bikin sejumlah slow-motion buat nunjukin hal-hal yg sebenernye bisa kite liat dengan jelas tanpa perlu di slow-motion. Kalo keseluruhan film lo itu slow, terus apaan gunanye ngasih slow-motion? Tunggu, mungkin film ini emang ngga pake teknologi slow-motion, mungkin emang semua yg terlibat di dalemnye punya refleks ala petugas administrasi kelurahan kalo lagi ngurusin KTP aje. Sungguh ironis itu kejadian di film soal getaway-driver yg judulnye Drive, di mane lo pikir “kecepatan” adalah bagian esensial darinye.

Semacem kaya beli ini, trus nyadar kalo itu ternyata game CMS pas nyampe rumah

Dalem nyaris 109 menit durasinye, Drive ngga bisa ngasih ape-ape; ngga ada ketegangan, ngga ada kenikmatan, ama ngga ada klimaks. Misalnye film tuh seorang PSK, maka Drive itu bondon yg lo bayar buat penetrasi & cuman ngasih lo handjob, abis itu pergi sebelon lo sempet keluar. Film ini nge-drag lewat batas toleransi span-atensi manusia pada umumnye sampe gue udah ngga peduli ama apaan yg terjadi pada karakternye pas ini, akhirnye, nyampe ke endingnye nan annoying. Sebenernye bukan endingnye itu yg annoying sih, tapi gimane mereka ngebungkusnye pake, lagi-lagi, shot statis panjang yg ngga berarti, dibalut lagu pop monoton di mane kite denger seorang cewe ngulang-ngulang reff “a real human being…and a real hero” secara males-malesan ad infinitum. Sumpah, hampir gila gue ngedengernye. Bahkan The Ramones pun bisa bikin aransemen yg lebih dinamis daripade itu, dan mereka cuman tau 3 khord.

Ini gambar pertama Johnny Ramone pas kembali ngegunain pick buat maen gitar, setelah bereksperimen dengan martil di 10 album sebelonnye

Secara keseluruhan, buat gue Drive itu film yg gagal ngelakuin fungsinye untuk jadi sebuah “film”.  Film itu selayaknye menarik serta menghibur, berhubung ini sama sekali ngga, maka gue menolak untuk masukinnye ke dalem kategori tersebut. Kalo misalnye gue emang cuman pengen liat orang ngasih tatapan kosong dengan sebuah shot statis panjang monoton selama sekian puluh menit, terus ngapain gue nyetel DVD? Mending puter video kawinan kakak gue.

.

.

Advertisements

13 thoughts on “DRIVE: AN INTELLECTUAL OVERVIEW

  1. Jujur, saya tertarik ama premis film ini. Tapi setelah baca sinopsisinya: tokoh utama terlibat bahaya demi ‘seorang wanita bersuami’ (bold dan italic ‘seorang wanita’), saya langsung turn off.

    Saya males nonton film tipe: seorang pria mempertaruhkan hidupnya demi seorang cewek. Kecuali… cewek itu juga melakukan hal yg sama dengan si cowok. Gak cuma jadi damsel-in-distress doang.

    Setelah baca review ini, malah makin gak niat nonton. Apa saya nonton Drive versi 97 itu aja, ya? Secara saya gak bisa nolak cowok bad-ass megang pistol di poster.

    Like

    • Pada dasarnye, ini emang kisah A Knight’s Tale tipikal. Cuman Knight-nye naek mobil, pake jaket badminton, ama punya ekspresi Bella Swan sepanjang waktu. Kalo mau jujur, gue emang lebih ngerekomendasiin versi 97-nye; jelek…tapi ada Mark Dacascos di dalemnye, jadi minimal itu masih bisa diketawain.

      Like

  2. Pas ngurus e-ktp di kelurahan, gw disuruh dtg ajm 8 pagi dan baru kelar jam 15.30. Fuck ’em

    Like

  3. Jd inget musti bikin e-ktp di kelurah..

    Like

    • Gue kemaren bikin & secara mengejutkan segera dilayanin. Mungkin soalnye gue dateng deket2 jam istirahat, jadi mereka ngeburu-buru segalanye supaya bisa cepet2 pesen mie ayam ama ngerokok di luar.

      Like

  4. kok menurut gue muka Ryan Gosling dengan “tatapan kosong”nya itu ngingetin sama Chad Lindberg (yang jadi Matthew-nya I Spit On Your Grave)?

    Like

    • Berdasarkan riset gue, di jaman sekarang ini, jumlah orang yg punya tatapan gitu di media-populer tuh lebih banyak daripade jumlah orang yg punya blackberry di keidupan nyata. Jadi kemiripan di sana/sini jelas sangatlah memungkinkan.

      Like

  5. you are such an asshole! ryan gosling look sooo awesoomeely cute in this moviee…hihihi.

    Like

  6. Tiga gambar dari paling terakhir — Drive meets Sucker Punch? Wait, did I see tits??

    Like

    • Itu contoh salah satu adegan di mane Nic Winding Refn berusaha bikin filmnye keliatan “hip” ama “edgy”, maka die niruin adegan dari salah satu film yg paling banyak dikritik taun ini.

      Whoops, no you dont, I just cover it up. Kenape? Soalnye, dengan mengutip sodari @trampolina di atas: I am such an asshole.

      Like

  7. Trampolina bolehkah abang nginep di rumah you?

    Salam mesra,

    Bepe

    Like

Spit it Out

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s