His Hero is Demon

Making Horror A Cheesy Catchphrase Since…Just Now

SPEED RACER: AN INTELLECTUAL OVERVIEW

4 Comments

Ini versi live-action Wachowski besodara dari anime klasik 60-annye Tatsuo Yoshida, tapi, gue yakin lo semua udah tau kan? Itu makanye kite asumsiin lo juga tau kenape kite nge-reviewnye di sini: soalnye Speed Racer itu “a demon on wheels”! Go Speed go!

.

Disclaimer: Ini review dari sebuah film rilisan taun 2008. Gue baru ngereview ini sekarang soalnye, di taun 2008, gue belon mulai nulis, dan gue juga belon nonton Attack the Block, Cowboys & Aliens, Conan the Barbarian ataupun Shark Night 3D buat bisa ngereview sesuatu yg lebih up-to-date.

 .

.

Pertama-tama, mari kite sama-sama dengerin dulu theme-song legendaris ini.

Keren ye? Itu theme asli dari Speed Racer taun 1967, sebelon abis itu di remaster pada era 90-an. Theme itu juga yg gue dengerin tiap nonton kartun tersebut pas pertengahan 80-an dulu, biasanye gantian ama Marine Boy, Astroboy, ape Denjin Zabogar ngegempur player video secara non-stop mulai dari pulang sekolah sampe tepat jam setengah 7 (waktunye nyokap nyuruh gue belajar). Itu masa yg jauh lebih sederhana, jaman punya Atari 2600 berarti lo tuh cool, Joan Jett punya rambut mengerikan & Nicole Kidman itu anggota BMX Bandit.

Sekarang ffwd ke 2008, pas Wachowski besodara bikin itu jadi film live-action big-budget, bahkan meski serial aslinye sendiri sebenernye ngga beken-beken amat. Tapi tentunye dalem 10 taun terakhir praktis semua produk medium populer yg bisa diangkat ke layar lebar udah diangkat ke layar lebar & Hollywood mulai keabisan materi asli bakal dieksploitasi. Jadi kalo mereka bisa bikin film layar lebar buat Inspector Gadget, Yogi Bear, ama effin’ Battleship, terus kenape ngga buat Speed Racer?

Maksud gue, bahkan Garfield pun bisa sampe punya 2 film

Taun 2008 lalu Warner Bros ngerasa kalo ngadaptasi satu serial 60-an yg terlupakan adalah sebuah ide bagus, terutama kalo mereka naro Wachowski besodara di kursi sutradara. Andy & Larry (kini dikenal dengan nama “Lana”) Wachowski emang dikenal sebagai penggemar anime. Pas itu, mereka baru populer lewat trilogi Matrix, yg sebenernye adalah remake/adaptasi bebas dari Ghost in the Shell (gue curiga mereka cuman ngejudulinnye The Matrix supaya ngga perlu bayar royalti ke Shirow Masamune aje), jadi milih mereka buat nyutradarain proyek ini bisa dibilang keputusan logis.  Speed Racer sendiri kartun versi dubbing Inggris dari anime Jepang berjudul Mach GoGoGo, kisahnye berkisar seputar petualangan pembalap bernama Speed Racer (Go Mifune kalo dalem versi Jepangnye) yg keliatan kaya pasangan erotisnye Shipwreck di GI Joe. Pada dasarnye, semua petualangannye selalu ngelibatin die nyetir mobil canggih bernama Mach 5 dalem balapan-balapan di mane ngebunuh lawan tanding keliatannye diijinin ama para panitia. Serius, praktis semua balapan dalem kartun ini selalu ngasilin kecelakaan fatal yg disebabin ama kelakuan homicidal dari para partisipannye, bikin ini jadi semacem Death Race 2K: The Cartoon. Elemen glorifikasi pada vehicular-manslaughter ini jugalah alesan kenape Speed Racer bisa digemari orang meski itu dibikin pake dubbing paling ngga sinkron dalem sejarah perfilman, serta teknik animasi yg ngga terlalu, ummm, animatif.

Ceritanye, Speed Racer (Emille Hirsch) adalah anak yg keobsesi ama balap mobil. Ini mungkin disebabin soalnye bokapnye; Pops Racer (John Goodman) emang perancang mobil balap, ngejelasin kenape die ngasih anaknye nama nan sedemikian tolol. Speed kecil tumbuh sambil ngidolain abangnye; Rex Racer (Scott Porter) seorang pembalap kondang yg kemudian ngalemin tragedi mengerikan pada balapan cross-country. Speed kontet terus ngejelma jadi Speed tinggi, tentunye die juga jadi pembalap soalnye yaaaa…kalo nama lo Speed Racer, trus lo mau jadi apaan lagi sih selaen pembalap…atau mungkin bandar narkoba? Pokoknye die tuh sedemikian jagonye ngebut sampe dalem balapan itu die ngga punya saingan selaen arwah kakaknye sendiri. Gue ngga terlalu paham gimane sebenernye itu terjadi, tapi dengan semua referensi zat-psikotropika dalem visualnye, gue asumsiin aje kalo itu ada hubungannye ama DUI. Warning: ada lebih banyak flashback di 10 menit pertama film ini dari yg ada di Citizen Kane dalem 2 jam, jadi kemungkinan mereka-mereka dengan span memori pendek bakalan punya kesulitan ngikutinnye, apelagi ditambah ama bombardir visualnye yg keliatan kaya gimane rasanye maenin Super Mario Kart kalo abis makan mushroom. Kata-kata ngga bisa ngedeskripsiin semua yg dimasukin Wachowski besodara dalem 10 menit pertama film ini soalnye ngga ada manusia yg bisa ngetik secepet itu. Serius, film ini semuanye emang cuman soal “speed”.

…ama mungkin crystal-meth

Singkat kata singkat cerita, Speed menang balapan (cuman kalah ama hantu kakaknye, tapi itu ngga diitung soalnye die hantu) & jadi local-hero di…manepun itu ceritanye die tuh tinggal. Pada saat ini, kite dapet info kalo die balapan di bawah bendera tim independen bernama Racer Motors, yg dioperasiin sepenuhnye ama bokapnye bareng seorang mekanik yg -ngga tau kenape- kudu ngomong pake logat Inggris (Kirk Gurry). Anggota kru laennye adalah nyokapnye yg dipanggil “Mom” (Susan Sarandon) bukan cuma ama Speed tapi ama semua orang. Pacarnye; Trixie (Christina Ricci) yg punya kepribadian ala robot android di Stepford Wives. Juga Sprittle & Chim Chim: pasangan anak kecil/simpanse yg kelakuannye ngga bisa dibedain antara mane yg hewan ama mane yg bukan. Sumpah, bocah  itu nampak sedemikian retard sampe semua adegan di mane mereka bareng bikin gue ngerasa lagi nonton Planet of the Apes. Kembali ke tokoh utama kite, berhubung Speed tuh komoditas indie paling hot di arena balap, ngga aneh kalo iblis-iblis korporasi mulai ngetokin pintu rumahnye. Salah satunye adalah milyarder Jerman berlogat Inggris Arnold EP Royalton Belvedere ape sejenisnye (Roger Allam), presiden dari Royalton Industries; salah satu sponsor paling gede dari World Racing League, alias balap F1 di galaksi Speed Racer. Meski dateng dengan persona “hangat & bersahabat” ala seorang A&R rep sebuah major label, dalem waktu singkat kite bisa nyium gelagat kalo tuan Royalton ini ngga punya niat yg tulus-tulus amat soalnye:

1. Sejak kapan ada A&R rep yg punya niat tulus?

2. Wachowski besodara ngegambarin sifat karakter pake gestur stereotip ala tim kreatif Disney.

Di sekitar sebuah sekuen panjang yg cuman dimasukin buat ngebuktiin kalo duet Wachowski tuh cukup kompeten untuk mroduksi remake live-action dari Wall-E, kite dikenalin ama sejumlah gangster yg diambil langsung dari frame film Dick Tracy. Pas mereka ngancem ngelempar Rain ke dalem tanki penuh piranha kalo die ngga segera ngehentiin karier menyanyinye. Sayangnye, aksi yg mungkin adalah kontribusi terbesar dari gangster bagi kemanusiaan tersebut (selaen nyuplai kokain) dihalangin ama kehadiran pembalap misterius bernama Racer X (Matthew Fox), bikin die jadi sebentuk malaikat penjaga dari program rahasia ilmunati untuk ngelestariin musik pop Korea. Adegan ini cuman berfungsi sebagai set-up buat ngenalin kite ama 2 tokoh ini, yg gue duga bakal jadi penting untuk plot belakangan soalnye pada saat ini, yg penonton pengen tau tuh ape Speed bakalan ngejual jiwanye pada iblis? Kite tau iblis ngga selalu ngasih tawaran buruk kan? Maksud gue, liat ape yg terjadi ama Robert Johnson. Namun, melalui sebuah monolog menyentuh yg kedengeran kaya kampanye subliminal bagi sistem koperasi, jagoan kite nolak tawaran buat gabung di tim Royalton & idup kaya raja soalnye ini cuman film & ngga ada sapepun di dalemnye yg perlu nyari duit. Oh, itu ama fakta kalo Racer Motors adalah sebuah bisnis keluarga cemara independen nan bahagia, dan Speed pengen ngejaga tradisi itu biar tetep steril dari campur tangan rakus antek-antek korporat. Lo tau kalo Andy ama Lana pasti bakalan nyelip-nyelipin agenda libertarian gini ke film mereka, tau kan? Soalnye corporation is just evil.

Kecuali McD, yg…sama sekali ngga korporat

Ngga biasa nerima jawaban “ngga, terimakasih”, Royalton sontak masuk ke mode anak 8 taun ngga diajak maen ama temennye, serta langsung ngelakuin monolog dalem durasi satu sesi freestyle Chino XL buat nyeritain semua praktek bisnis ilegal yg die lakuin di bawah bendera World Racing League. Semuanye mulai dari rencana monopoli industri otomotif sampe pengaturan pemenang di semua seri Grand Prix sepanjang jaman…tanpa ditanya.  Kenape antagonis film suka ngelakuin hal tolol kaya gitu? Ngga tau. Mungkin mereka semuanye keinspirasi ama Mojo Jojo, tapi apepun itu, ini ngasih penonton alesan valid buat ngedukung Speed –sang pembalap independen nan jujur- pas die ngelemparin mobil kompetitornye keluar sirkuit demi ngelawan dominasi power-that-be. Soalnye kalo kite ngomongin orang yg ngelakuin hal model gitu sekedar guna muasin hasrat terpendamnye sebagai seorang homicidal-maniac & dapetin kepuasan psikopat dari  nabrak lawannye keluar track persis di depan garis finish, maka kite pasti bukan ngomongin Speed Racer.

Tapi ngomongin diri sendiri pas maen Mario Kart

Sub-plot kejahatan-korporasi itu juga sekalian jadi cue munculnye Inspector Detector (Benno Furmann) ke pintu rumah keluarga Racer. Tujuannye? Ngebongkar kejahatan di balik World Racing League. Syaratnye? Speed kudu ikut berpartisipasi dalem balapan maut Casa Cristo. Tentunye, dalem dunia balap film ini, di mane satu-satunye cara nyalip musuh adalah dengan ngelemparnye keluar dari sirkuit, semua balapan juga sebenernye “maut”. Cuman yg satu ini punya nilai lebih soalnye ngelibatin sebuah drama keluarga tertentu, plus di sini Speed kudu gabung ama Racer X buat ngelindungin Rain dari jadi sasaran kebencian para kompetitor laen. Jadi bodyguard-nye Rain? Dalem satu permaenan bom-bom car berkecepatan tinggi? Perlu gue jelasin gitu betapa berbahayanye itu?

Liat aje ini. Sape yg ngga pengen nyelakain orang kaya gini??

Dari situ, Speed Racer berlanjut jadi pengalaman nonton demolition derby paling psikedelik yg bakal pernah lo liat seumur idup. Plot-nye idiotik, dialognye idiotik, karakternye annoying & aktingnye ada pada level serial televisi Batman yg dibintangin Adam West, tapi sekuen balapannye? Effin’ awesome! Bayangin animasi Pixar dari Death Race 2K ketemu Dukes of Hazard dalem sirkuit balapan Dash! Yonkuro, itulah dunia balap Speed Racer! Meski ngga ngelibatin darah ataupun kematian, Wachowski jelas ngebawa kekerasan jalan raya ke level sureal, dengan mobil-mobil terbang saling hajar & ngelempar satu sama laen sampe ancur berkeping-keping. Ajaib gimane sebuah olahraga otomotif full-contact gini dilakuin dalem arena di mane penontonnye sama sekali ngga dilindungin apepun, sementara mereka nontonin orang-orang gila adu ilmu-beladiri-berkemudi pada sirkuit yg keliatan kaya apaan yg bakal dibikin MC Escher kalo die disuruh ngerancang DC Megaramp.

Semacem balap Fast n Furious, pada sebuah track roller-coaster

Tentunye ini tuh adaptasi dari film kartun, makanye gue ngga heran ngeliat aksi orang ngelakuin praktek kung fu pake kendaraan roda 4 di dalemnye. Malah, kalo lo pertimbangin dedikasi Andy & Lana dalem soal ngejaga film mereka biar keliatan kaya kartun, itu jadi sesuatu yg patut dikagumin. Sepanjang film, Speed sekeluarga pindah-pindah ke sejumlah variasi setting, semuanye gue duga ada di kota berbeda, cuman asli, sumpah gue ngga tau itu sebenernye di mane. Berhubung Wachowski besodara tu lagi bikin animasi dengan manusia di dalemnye, setting film ini pun cuman bertempat di sebuah lokasi rahasia tertentu dalem dunia absurd Mach GoGoGo. Thunderhead tu di mane? Fuji Helexicon? Grand Prix Colosseum? Di mane sebenernye ada tempat nan sedemikian kedominasinye ama brush photoshop & lampu neon gitu selaen isi kepala personel The Beatles jaman mereka ngerekam Yellow Submarine?

Sim City 3000?

Kalo diliat dari perspektif Hollywood, ngadaptasi sesuatu tuh sama kaya ngegerepe cewe di mosh-pit: hal yg terlalu sayang buat dilewatin misalnye ada kesempatan. Bukan cuman soalnye itu berarti ngga perlu mulai proses kreasi dari 0,tapi juga udah ada target-pasar yg jelas; orang-orang yg suka produk aslinye. Sebuah film adaptasi sebenernye praktis ngga perlu ngelakuin ape-ape selaen ngambil semua yg keren dari cerita orisinilnye & ngekspos itu sefantastis mungkin, nah, masalahnye, Hollywood punya kecenderungan ngekspos dirinye sendiri sementara ngerusak kenangan indah yg orang punya pada cerita aslinye. Mungkin, kendala utamanye tu ada dalem tahap pengembangan. Berhubung ngerangkum serial animasi 500 episode dalem satu film 90 menit tuh mustahil, maka perubahan kudu dilakuin, itu logis, tapi, kaya dibuktiin ama nyaris semua kudeta militer di dunia ini, “perubahan” itu ngga selalu terjadi ke arah lebih bagus. Sebagai contoh dari adaptasi gagal, gue bakal make apaan yg terjadi ama Transformers. Alesan kenape gue make Transformers adalah soalnye, buat kepentingan nyela-nyelain sesuatu, Transformers emang contoh paling gampang. Hal ini dikarenakan oleh 2 hal:

1. Itu dibikin ama Michael Bay.

2. Itu adaptasi dari film kartun yg awesome.

Ide dari film layar lebar big-budget soal perang sipil antara 2 geng robot terbesar dalem sejarah kemanusiaan, plus pahanye Megan Fox nyelip di sana-sini, emang kedengeran terlalu fantastis buat bisa ditolak ama sapepun. Dulu, semua orang yg gue kenal ngga ada yg ngga semangat nyambut kedatangan film ini. Maksud gue, kartun Transformers itu awesome! Action-figure Optimus, Megatron, Starscream ama Grimlock gue dulu semuanye awesome. Gimane mungkin gue bisa ngga semangat ngeliat mereka nongol di layar lebar, nebarin teror ama ngancurin dunia kaya satu batallion Galactus? Namun, pas kite duduk di bioskop/sofa dalem rangka ngerayain nostalgia masa kecil dengan segala kemegahan dewasanye (paha Megan Fox), masalah langsung muncul dari pertama filmnye dimulai.

 Bersiaplah untuk ngeliat masa kecil lo terbunuh

Sebenernye, berhubung die dikenal untuk kebiasaan buat ngeledakin segala sesuatunye dalem proporsi epik, Michael Bay bisa bikin film soal pertempuran 2 geng robot jadi –minimal- nyenengin untuk diliat. Sayangnye, kaya Kim Jong Il, orang ini nyalahartiin kekuasaan sebagai intelejensia-superior & manfaatinnye buat ngerusak kesenengan orang laen. Kalo aje Bay dulu bikin film Transformers kaya kartun Transformers aslinye, gue cukup yakin hasilnye bakalan oke. Cuman, masalahnye ngadaptasi judul populer ke layar lebar tuh selalu fakta bahwa itu bakalan selamanye dimodifikasi sesuai ama selera retard manepun yg kebeneran bertanggung jawab buat produksinye. Ngasih mereka kebebasan naro “input-input kreatif” praktis tanpa kontrol sapepun &, umumnye, ini berakhir dengan nongolnye visi-visi terbelakang mental buat ngerusak sesuatu yg sebenernye udah sempurna. Kartun Transformers dulu udah sempurna sebagaimane adanye, sebelon Michael Bay ngebuang semua yg keren dari sono soalnye die idup dalem tata surya ilusi dimane ada orang yg nganggep kalo ide-idenye tuh lebih bagus. Sialnye, die punya kuasa buat ngeksekusi isi kepalanye itu.

Jadi, kalo pada suatu saat Michael Bay punya ide gini:

Maka hasilnye kite dapet…

Terus, misalnye die tau-tau kejatohan wangsit…

Hasilnye kite dapet…

Lalu, sekedar buat ngingetin ke semua orang bahwa die tuh douchebag, die pun mikir…

Maka…

Tentunye ngga ada yg lebih ngebahagiain Michael Bay selaen ngencingin semua penggemar Transformers, maka secara alamiah sesuatu nongol di dalem kepalanye:

Dan lahirlah…

Hal-hal kaya gitu sangat gampang buat kejadian pas Hollywood pengen ngadaptasi sesuatu. Itu makanye banyak orang ngerasa skeptis tiap kali mereka pengen ngelakuinnye.

Nginget hal di atas, satu hal paling impresif dari Speed Racer tuh gimane Wachowski besodara sama sekali ngga ngehianatin materi aslinye. Kalo ditilik-tilik, film ini emang bener-bener berfungsi sebagai fan-service buat karya asli Tatsuo Yoshida 41 taun lalu & lo bisa liat gimane mereka merlakuin semua yg ada di dalemnye pake respek. Mereka ngga ngerubah Mach 5 jadi Batmobil, Speed jadi Frankenstein ataupun ngasih puting ke kostumnye Racer X. Semua yg lo inget dari Mach GoGoGo muncul segimane mestinye, sampe bahkan karakter Sprittle & Chim Chim pun tetep dibikin se-annoying mungkin soalnye aslinye emang gitu. Kartun Speed Racer emang bodoh, tapi itu menyenangkan & duo Wachowski sukses nransfer semua yg bodoh & menyenangkan dari kartunnye ke dalem versi live-action mereka. Bukannye ngebawa alam kartun Yoshida ke dunia nyata, mereka justru ngebawa aktor-aktris nyata ke dalem dunia kartun. Ok, visualisasinye emang sejuta taun cahaya lebih superior, cuman gue kudu ngagumin keberanian Andy ama Lana buat mertahanin semua faktor cheesy dari serial aslinye, itu termasuk semua dialog achterlijk, akting campy, sampe hubungan romansa paling platonik dalem film sejenis antara Speed ama Trixie. Maksud gue, dua-duanye kan diceritain sebagai pasangan usia 20-an kan? Toh kite ngga pernah ngeliat mereka ngapa-ngapain. Selaen ciuman. Di ujung film. Itu pun dapet perlakuan sedemikian istimewa sampe gue ngerasa kalo Speed ngga pernah nyoba ngapa-ngapain sebelonnye, padahal, di sepanjang film kite bisa liat Trixie selalu ada di rumahnye, setiap saat, tanpa alesan yg jelas, & Speed ngga pernah nyoba ngapa-ngapain.

Date seorang pembalap ternyata sepi dari eksyen

Secara keseluruhan, Speed Racer itu blockbuster bodoh nan sensasional, sesuatu yg mungkin jatoh dalem kategori yg sama ama Sucker Punch di taun ini. Dan kaya Sucker Punch, film ini juga dulu disambut ama review-review negatif yg -gue duga- disebabin ama salah satu dari 3 kemungkinan ini:

1. Para reviewer itu ngga tahan ama visualisasinye yg ngga realistis.

2. Mereka ngekspektasiin jenis film yg beda.

atau

3. Mereka benci ama yg namanye “kegembiraan”.

Dari sisi manepun lo ngeliatnye, Speed Racer emang tetep film kartun. Orang-orang yg umurnye 40 taun & ngga pernah nonton anime beserta semua energinye bakalan punya kesulitan masuk ke galaksi ini. Buat gue, untuk nonton film kaya gini pake pendekatan mental orang dewasa jelas adalah cara paling pasti buat ngga bisa nikmatinnye, sementara bikin itu jadi “dewasa” jelas bukan sesuatu yg cocok ama materi aslinye. Maksud gue, ini serial yg umurnye udah 41 taun! Berape sih umur lo pas pertama nonton kartun Speed Racer? Di bawah 10 kan? Makanye lo juga kudu ngeliat film ini dari sudut pandang umur segitu, ngebiarin semangat nostalgia kite nikmatin semua track Hot Wheels raksasa ama aksi-aksi aerial-car-battle yg dijamin bakalan bikin kite tercengang waktu umur kite 8 taun dulu. Inget napsu ngebunuh dalem hati pas ikutan lomba Tamiya dulu? Gimane kite ngarep mobil kite bisa dilengkapin peralatan James Bond buat ngelempar mobil musuh-musuh kite keluar arena? Anak kecil itulah yg bakalan nikmatin film ini dengan senyum lebar di muka. Soalnye Speed Racer emang ngga dibikin buat kite, tapi buat anak kecil yg ada dalem diri kite.

Soalnye ini balapan Tamiya paling awesome yg bakalan pernah lo liat

.

.

Advertisements

4 thoughts on “SPEED RACER: AN INTELLECTUAL OVERVIEW

  1. Saya termasuk yang nggak benci Michael Bay, lho. Transformer pertama lumayanlah. Dan akan lebih saya suka lagi bila dua hal ini dihilangkan:

    1. Sam. Bukannya saya benci dia atau apa. Tapi saya bosen dengan tipikal jagoan loser diawal dan berusaha ngejar-ngejar cewek idamannya yang cantik. Mulanya dia cuma bisa lari-lari doang dan baru di akhir film ngelakuin sesuatu yang berguna. Noooo!!

    Yang masih dalam batas toleransi : Po – Kungfu Panda. Walaupun loser di awal, seenggaknya dia jago masak dan bantu2 ayahnya di restoran. Dia juga gak pantang menyerah walopun ditolak sana-sini. Selain itu juga lucu. Dan yang terpenting… dia nggak belajar kung fu demi menarik perhatian cewek idaman seksi!!
    Bahkan saya seneng di ending Kung Fu Panda Po gak jadian ama siapapun. Jarang ada ending film action dimana tokoh utamanya gak mencium cewek seksi *mostly annoying damsel-in-distress*.

    2. Fanservice gak penting dari Megan Fox. Saya emang gak gitu ngikutin versi kartunnya. Tapi yang pasti, gak perlu ada fanservice cewek seksi untuk membuat plot yang menarik ‘kan?

    Like

    • Buat gue, masalah utama dengan Sam tuh bukan soalnye die annoying (meskipun itu jelas punya andil cukup gede), tapi soalnye die ngambil terlalu banyak screen-time. Kaya udah gue bilang, gue nonton Transformers buat liat Transformers, bukan Sam Witwicky atau manusia inferior laennye. Ya gapape sih kalo emang harus ada manusia di dalemnye, cuman harusnye peran mereka ngga lebih dari lari-lari ama kebunuh aje, cukup.

      Soal Megan Fox, gue sama sekali ngga punya komplen. Soalnye kite semua sama2 tau kalo Megan Fox selalu bisa bikin audiens tetep nonton sebuah film -seburuk apepun itu- selama doski ada di dalemnye (liat juga: Jonah Hex ama Jennifer’s Body).

      Like

  2. megan fox maknyus gan sayang, dah nikah…

    blog hip hop gan, keliatannya agan negro berat kaya gw smp dulu,
    check this out… gutterspit.com….

    bukan blog gw sih, cuman seru aj baca tulisan ucok…

    Like

Spit it Out

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s