His Hero is Demon

Making Horror A Cheesy Catchphrase Since…Just Now

INSIDIOUS: AN INTELLECTUAL OVERVIEW

3 Comments

Satu lagi bukti kalo penjelasan supranatural selalu bisa dipake buat ngejelasin hal-hal yg ngga bisa dianalisa secara medis. Yo praktisi ilmu kedokteran, ngapain aje sih kalian selama ini?

.

Beberapa bulan terakhir ini, kayanye gue udah jarang nge-review film horror. Ngga tau kenape, mayoritas review blog terakhir emang cenderung didominasi ama sci-fi, yg sebenernye aneh soalnye gue ngga pernah ngerasa kalo gue tuh penggemar sci-fi. Seinget gue, yg lagi gue running nih sebetulnye blog horror & berhubung beberapa temen udah mulai komplen kalo gue tuh sell-out. Maka, buat ngebuktiin komitmen pada genre tercinta tersebut, kali ini kite bakalan kembali ke akar & ngebahas satu judul yg bukan cuma salah satu film paling sukses ngeruk keuntungan di box-office taun ini, tapi juga digadang sebagai film horror paling menakutkan sejak Linda Blair ngambang di udara sambil melintirin kepalanye 360 derajat.

Insidious emang punya hype yg sama kaya Paranormal Activity beberapa taun lalu & itu ngga aneh, soalnye salah satu produsernye emang Oren Peli, orang yg 2 taun lalu pengen banget gue tonjok gara-gara bikin gue ngeliatin pasangan douchebag bertingkah kaya idiot lewat kamera CCTV selama 86 menit. Namun walau nyaris dibutain kebencian abadi gue ama satu nama tersebut, Insidious punya daya tarik soalnye ini disutradarain James Wan & ditulis Leigh Whannell, duo yg ngebuka gerbang booming trend torture-porn dengan Saw pertama. Lo pikir kombinasi dari alumni faux-documentary ama alumnus torture-porn ngga bakalan ngasilin apepun selaen film snuff kan? Surprise. Insidious ternyata bukan snuff, tapi horror tradisional dari cerita rumah hantu ama…ehm…aktivitas paranormal yg nimpa sebuah keluarga normal Amerika. Dibuka ama shot nauseaus panjang dengan simfoni sumbang ala suara kuku ke papan tulis yg dulu lo ulang-ulang di kelas pas jam kosong buat bikin temen-temen lo jengkel. Pada opening ini, James Wan keliatannye ngerasa kalo dirinye tuh sutradara Italia lagi bikin film Giallo di akhir 70’an, nge-pan kamera dalem kecepatan ala sekuen slo-mo di RE: Afterlife, lengkap dengan jumper (sangat) dini ama orkes bombastis begitu title-card Insidious nongol pake huruf bold ngedominasi layar.

Kaya gini, cuman tulisannye “Insidious”

Abis pembukaan retro tersebut, kite mulai masuk ke ceritanye; di sini kite ketemu ama keluarga Lambert, satu rumah tangga tipikal orang kulit putih berduit yg tinggal di daerah suburban, tipe-tipe yg emang cuman nunggu waktu aje buat diterror, kalo ngga sama hantu ya berarti ama kriminal setempat, dua-duanye sempurna buat plot film horror. Sang bokap, Josh (Patrick Wilson), adalah kepala keluarga yg -ngga tau gimane- bisa beli rumah gede, mobil, ama ngidupin istri plus 3 anak dengan gaji seorang guru. Sang nyokap, Renai (Rose Byrne), kebagian ngurus anak ama ngaransamen nada-nada pake piano yg kedengeran kaya lagu reject-an album PJ Harvey (gue sama sekali ngga tau buat ape). Doski juga  ngeja namanye pake cara yg funky meski itu sebenernye dibaca sama aja kaya Rene. Gue udah bilang belon kalo mereka punya 3 anak? Udah ye? Kalo gitu lupain aje, cuman satu doang da yg ngaruh, namanye Dalton (Ty Simpkins). Die yg fotonye ada di poster, jadi lo tau kalo die pasti lebih penting dari yg 2 lagi. Plus, pada salah satu adegan, die ditunjukin pake piyama dengan motif seragam ama nyokapnye. Nah, biasanye, penampakan dari piyama kaya gitu  bakal jadi hal paling menakutkan yg lo liat di sebuah horror PG-13 gini, tapi itu ngga berlaku buat Insidious. Di film ini, hal paling creepy yg bikin gue ngga nyaman tuh fakta kalo Dalton keliatan luar biasa mirip ama inkarnasi Iblis dunia nyata. Satu yg ngehipnotis gadis-gadis remaja di seluruh dunia pake ilmu sihir nada-nada catchy musik pop nerakanye.

Satan!

Keluarga Lambert ini baru aje pindah ke rumah gres  & dalem waktu singkat benda-benda mulai ilang-ilangan, yg sebenernye wajar mengingat mereka baru aje pindahan & punya 3 anak kecil lari-lari di sekeliling rumah secara full time. Tapi terus Renai ngedenger sesuatu di loteng…ape ngeliat sesuatu di loteng? Gue ngga inget soalnye pada saat ini, penampakan piyama-seragam tadi masih ngebekas di kepala gue.  Gue inget  kalo abis itu Dalton terus berusaha naek ke loteng yg bersangkutan, sebuah aksi yg  dimungkinkan soalnye Josh ama Renai ninggalin tangga sembarangan di dalem rumah, kayanye gue ngga perlu ngejelasin betapa bahayanye ngelakuin hal macem gitu di rumah yg penuh anak kecil. Maka Dalton pun naek ke atas, jatoh ke bawah, trus koma berkepanjangan, ini semua terjadi biarpun pas itu die sebenernye pake jubah Superman, tapi tentunye gituan tu sama sekali ngga pernah nolong sape-sape, coba tanyain aje ke  Brandon Routh. Sampe di mane gue tadi? Oh, Dalton lagi koma. Cue adegan rumah sakit buat ngasih tau ke kite bahwa secara medis ngga ada yg salah ama Dalton & semua Dokter ngga pernah ngeliat kondisi semacem ini sebelonnye. Harap maklum soalnye staff medis tu orang-orang sibuk, mereka ngga punya waktu buat nonton film horror. Maka mereka pun bikin serangkaian tes ngga perlu sekedar buat nambahin tagihan yg kudu dibayar & ngga ada yg bisa dilakuin keluarga Lambert selaen nurut soalnye…fuck you! This is America! Josh ama Renai pun ngarep anak kesayangan mereka bakal cepet sembuh, sambil nyesel kenape mereka ngga tinggal di Kanada. Ffwd ke beberapa bulan kemudian & kite ngeliat Dalton, masih koma, tepar di kasur sambil disambungin ke mesin yg nelen 60% dari gaji guru Josh tiap bulannye. Kite semua tau mesin-mesin medis gitu maintanance-nye mahal, tapi ngga masalah soalnye mereka kayanye udah ngejual anak keduanye: siii…Frank? Fletcher? Fred? Flo-Rida? Sapepun lah namanye itu ke pabrik child-labour ilegal di Cina supaya Dalton bisa tetep idup.  Sementara itu, Renai terus ngalemin kejadian-kejadian ganjil kaya yg pernah kite liat di film laen. Suara ape itu di monitor bayi (oiye, mereka punya bayi, satu yg keliatannye ngga pernah mereka urus)? Tapak sape ini di seprei? Muke sape itu yg nongol di jendela?

Oh, itu Emperor Palpatine pake baju panggung Amy Lee

Harus diakuin biarpun James Wan maenin set-up klise ama jump-scare tipikal, gue mesti ngasih kredit buat skrip yg bikin Renai ama Josh ngambil keputusan untuk pindah rumah, membuat mereka jadi pasangan dengan reaksi paling logis dalem film sejenis. Sayangnye, momen bersejarah dari pengembangan intelejensia karakter dalem genre horror ini dilakuin pas filmnye baru maen setengah jam, jadi semua tau kalo itu ngga akan nyelesaiin masalah. Di rumah baru yg keliatan sama gedenye ama rumah sebelonnye itu (asli Josh, jujur, sebenernye lo kerja ape sih?), kejadian-kejadian aneh terus berlanjut & musik bombastis ngga pernah berenti, anak kecil tau-tau lari-lari & orang Eropa tau-tau nongol tiba-tiba tanpa alesan, semua sementara Josh selalu lembur soalnye…ya musti ada seseorang yg kudu ngebiayain semuanye kan? Sementara sebagian audiens mulai ngerasa kalo Renai keliatan annoying dengan semua rengekan paranoidnye, doski dapet dukungan dari nyokap Josh (Barbara Hershey), yg ngimpi kalo beliau ngeliat sesuatu di kamar Dalton, sesuatu yg ngga mungkin manusia, soalnye ngga ada manusia yg punya potongan rambut seburuk itu.

Siapa itu? Nicolas Cage?

Ok, itu paruh pertama dari Insidious & sejujurnye, Wan ternyata cukup kompeten buat bikin sebuah film horror-atmosferik tanpa itu kudu keliatan semenyedihkan Dead Silence. Di sini, jelas kalo Wan (ama juga Whanell) ngambil inspirasi mereka dari film-film rumah hantu klasik masa lalu terus ngeksekusinye pake pendekatan modern secara cukup meyakinkan. Insidious bisa dibilang sebagai bentuk lebih ngga ngebosenin dari Paranormal Activity, satu yg ngorkestrasi jump-scarenye pake komposisi apik. Gue secara pribadi nganggep hasilnye bakalan jauh lebih efektif kalo aje mereka ngga berusaha terlalu keras buat nakut-nakutin penonton, tapi kite semua tau kalo setengah dari tiket bioskop tuh dibeli ama orang-orang yg ngarep bakal punya kesempatan dipeluk ama cewe yg die bawa, jadi yaaa. Toh, grafik itikad baik James Wan buat ngasih kite tontonan nostalgia ini mulai menurun pas Insidious masuk ke paruh keduanye. Ditandain dengan nongolnye para ghost-hunter yg diperanin ama Leigh Whanell & Angus Sampson sebagai Tweedle Dumb & Tweedle Dipshit. Gue biasanye suka film horror gue diisi ama komedi campy, cuman penampilan mereka di sini malah ngerusakin mood, terutama soalnye kemunculannye praktis bikin keseluruhan film ini jadi kebaca: semua tau begitu mereka mulai ngeluarin alat-alat pembasmi hantunye pasti bakal ada yg keliatan. Ok, pas nonton film hantu, orang tau mereka bakalan liat hantu, tapi dikasih tau kapan hantunye bakal nongol bikin itu jadi kerasa ngga seru. Keadaan ngga jadi lebih baik pas Sang ketua tim pemburu hantu (diperanin ama Lin Shaye) ikut nongol terus ngebongkar segala alesan dari fenomena gaib yg terjadi. Gue ngerti sih emang musti ada eksplanasi tertentu buat hal-hal yg terjadi di sebuah film, tapi munculnye seorang karakter yg ngejelasin semuanye via monolog kaya doi tuh guru besar bidang ilmu gaib adalah cara paling annoying buat ngelakuinnye. Orang ini beneran nyeramahin segalanye ke kite, dari ape yg lagi terjadi, apaan penyebabnye, sampe gimane cara ngeberesinnye. Ngga familiar ama “proyeksi astral”? Die bakal ngejelasinnye ke lo. Bingung ape itu “the further”? Tenang, die juga bakal ngejelasinnye buat lo. Asli, orang ini tuh semacem Wikipedia berjalan yg otaknye disponsorin ama google.

Die juga make masker gas sebagai ponsel supranatural

Dan kalo ngomongin “the further”, maka ngga ada hal yg lebih menyedihkan daripade itu. Bukan cuman gara-gara namanye kedengeran kaya versi cover-version buruk dari “afterlife”-nye Poltergeist doang, tapi juga soalnye visualisasinye bener-bener ngga impresif. Waktu pertama disebutin, “the further” kedengeran kaya alam gaib nan menjanjikan, penuh dengan landskap ala impresionis Jerman ama makhluk-makhluk ajaib mengerikan. Ternyata, ape yg kite liat tuh studio film yg ceritanye adalah alam gaib. Semakin diperparah ama kenyataan kalo itu studio film yg sama ama yg udah kite liat sebelonnye, cuman lampunye dimatiin, dikasih dry ice kaya panggung aneka ria Safari, ama diisi figuran-figuran nyasar dari syuting klip Cradle of Filth di studio sebelah. Gara-gara sebuah twist kecil ngelibatin potret yg sedemikian “meh” sampe gue sama sekali lupa ngungkit itu di paragraf sebelonnye, Josh kudu masuk ke sono & ngambil Dalton balik, semuanye dalem bimbingan si wanita ketua pemburu hantu (kalo ngga salah namanye Elise) yg berulang-ulang ngomong “follow my voice, follow my voice” dari dunia seberang kaya die tuh Mario Teguh-nye alam proyeksi astral. Pada titik ini, Insidious udah keliatan 10 kali lebih menggelikan dari Drag Me to Hell, bedanye, Drag Me to Hell tu jauuuuuhhh lebih menyenangkan. Buat sebuah film yg keliatan berusaha keras buat jadi serem, gue ngga ngerti kenape pas menuju klimaks James Wan malah bikin segalanye jadi se-ridikulus ini. Inget makhluk (dengan potongan rambut) mengerikan di awal tadi? Ternyata oh ternyata, die tu Darth Maul. Effin’ Darth goddamn Maul! Dengan model rambut Nicolas Cage! Dunia udah ngga liat “evil” ngelakuin hal setolol itu sejak karnivora luar angkasa ngelakuin joget Polka di lantai pesawat antariksanye Alien pertama.

Buat alesan obvious, adegan ini ngga berhasil ngelewatin meja editing dengan selamat

.

Ngomong-ngomong, tau apaan yg Darth Maul lakuin di sini? Die najemin kuku sambil dengerin “Tip-Toe through the Tulips” dari Tiny Tim. Ampun. Abis itu Wan berusaha naekin tensi dengan ngasih sejumlah aksi kejar-kejaran berisi semua klise horror; tangan dari bawah tempat tidur, “gue bakal nangkep lo sebelon lo lewat pintu”, blahblahblah, tentunye ngga ada yg peduli soalnye saat ini monster kite udah keliatan sama mengintimidasinye ama Cookie Monster di Sesame Street. Kalopun die sukses nangkep Dalton, apaan sih yg bakal dilakuin seorang monster penggemar Tiny Tim ke anak kecil? Ngasih tau kata apaan aje yg dimulai pake huruf A? Orang-orang macem Llyod Kauffman ama Noboru Iguchi dimaafin buat bikin monster-monster bodoh soalnye keseluruhan film yg mereka bikin emang bodoh. Insidious ngga pernah diniatin jadi bodoh, setengah bagian pertamanye di set-up sebagai kisah rumah hantu nan serius. Jadi kalo klimaksnye keliatan retarded, itu sebenernye malu-maluin. Semakin ke belakang, mereka yg bertanggung jawab buat produksi ini kayanye punya kesulitan buat bisa ngebedain antara apaan yg scary ama apaan yg comedy, semuanye numpuk tumpang-tindih ngga karuan kaya gado-gado bikinan seorang pengidap ADD. Di ujung-ujungnye, pas berusaha balik ke dimensi nyata, Josh dikepung ama orang-orang yg kalo bukan figuran klip Cradle of Filth berarti penggemar setia Within Temptation. Jagoan kite ini udah praktis ngga berdaya sampe, begitu ngedenger suara Renai manggil-manggil dari dunia seberang, tiba-tiba nemuin renasains motivasi buku self-help buat ngedorong semua pengepungnye sampe jatoh sambil tereak “GET AWAY FROM MEEEE!!!”. Adegan itu bikin gue ngakak soalnye ngingetin gue ama video-video self-defense wanita di youtube, yg nyalah  artiin komunikasi verbal dengan volume tinggi sebagai sebuah metode teknik “ilmu beladiri”.

Aneh, James Wan ama Leigh Whannell ngelakuin banyak effort di paruh pertama nyiptain atmosfer yg –biarpun ngga bisa dibilang menakutkan- sebenernye cukup oke. Trus tau-tau, nyaris tanpa peringatan, banting stir & bikin komedi campy yg menggelikan, tapi ngga menyenangkan. Malah, buat gue “ngga menyenangkan” adalah kesalahan Insidious paling fatal. Wan ama Whannell terlalu semangat bikin film serem dalem napas favorit-favorit masa lampau mereka, sampe lupa apaan yg dulu bikin itu jadi menyenangkan. Gue akuin Wan emang sukses ngebangun adegan-adegan cakep, cuman semua jump-scare di dalemnye ngga pernah bisa bener-bener nendang soalnye semuanye terlalu familiar. Kite pernah ngeliat anu di Suspiria, kite udah pernah ngeliat entu di Carnival of Souls, dan kite juga udah pernah liat yg sejenisnye di Poltergeist. Waktu pertama kite liat dulu sih itu emang serem, sekarang? Ngga terlalu. Plus, Wan ama Whannell punya kecenderungan bikin makhluk-makhluknye kena over-ekspos, beberapa sekuen yg berpotensi creepy (dengan musik keren) praktis rusak soalnye si setan tau-tau berpose dengan jumawa kaya mereka semuanye banci kamera. Dan kalo lo kebeneran ngedip terus ngga ngeliatnye? Jangan khawatir, James Wan bakal ngulanginnye lagi 12 kali sebelon film ini selesai. Teknik ini dipake secara repetiif sampe praktis ngga ada lagi ketegangan yg nyisa. Horror jauh lebih tegang kalo musuh utamanye ngga diliatin frontal, bahkan Alien pun ngikutin formula itu, padahal kite tau desain alien HR Giger di Alien tuh se-badass apaan kan? Die mungkin suka joget Polka, tapi die bad-ass, dan Cameron tetep ngerasa harus ngelakuin segalanye supaya itu samar-samar ama sekelilingnye. Hasilnye  alien ngga cuman sangar, tapi juga mengerikan. Sementara itu, Insidious punya musuh utama yg keliatan kaya Darth Maul ama versi drag-queen mardi gras dari Emperor Palpatine, jadi kenape Wan mejengin mereka di depan kamera kaya versi penampakan uka-uka dari sepasang camwhore MySpace? Bukannye jauh lebih baik kalo misalnye mereka disimpen di pojok-pojok gelap aje? Maksud gue, Wan ama Whannell sebenernye pengen bikin ape? Prekuel horror dari Star Wars Holiday Special??? Ape rasanye kalo lo nonton The Legend of Hell House trus tau-tau setannye muncul & mereka ternyata Blinky, Pinky, Inky, ama Clyde?

“Jangan takut sayang, gue masih nyimpen power pellet di laci”

Gue masih belon nemu metafora yg pas buat film ini. Insidious itu tipe-tipe film yg milih nembak kakinye sendiri. Tadinye gue pengen ngebandingin ini ama Martyrs, cuman gue inget kalo Martyrs tuh film dengan babak pertama dashyat yg punya babak kedua ngecewain. Babak pertamanye Insidious, biarpun lumayan, ngga pernah sedashyat itu. Plus babak keduanye juga ngga bisa dibilang mengecewakan, cuman menggelikan, jadi komparasi itu kayanye ngga cocok. Gue juga sempet kepikiran Tucker & Dale vs Evil, tapi pas diinget-inget, itu masih nyenengin di awalnye & waktu berubah gaya di belakang, seengganye itu ngga drastis-drastis banget. Ngga, ngga, Insidious tuh kaya gimane kalo perubahan karakter Chucky di Child’s Play ke Chucky yg di Seed of Chucky terjadi dalem satu film, cuman masalahnye Insidious ngga pernah sebagus itu juga sih…jadi gimane ngejelasinnye? Bingung gue juga. Gini aje deh; mari kite anggep kalo Kill Bill I ama II tuh satu film (ape emang iye ye?), nah, bagian vol.I-nye Kill Bill kan film medioker yg oke tuh? Penuh adegan silat retro ama ode buat Game of Death. Sementara vol.II-nye adalah tontonan luar biasa hambar yg ngebunuh semua pencapaian sebelonnya, ya, ya , itu dia, Insidious itu semacem Kill Bill! Ehm, cuman minus semua pertumpahan darahnye… jadi mungkin lebih tepatnye Insidious itu kaya Kill Bill PG-13. Ini sekaligus ngejelasin kenape ada banyak referensi Star Wars di dalemnye, soalnye Bruce Lee jelas terlalu hardcore buat film PG-13 kan? Makanye Wan make tokoh jahat nan lebih family-friendly kaya Emperor Palpatine, meski gue ngga ngerti kenape die musti didandanin kaya seorang transgender, mungkin ini bentuk homage subliminal buat The Bride? Kenape die ngga make karakter perempuan aje? Ngga ada Sith perempuan gitu di seluruh galaksi Star Wars? Gue tau kalo setan di sini kudu diwakilin ama Sith, maksud gue, “dark force”, amirite? Mungkin itu kenape Palpatine yg dipilih, soalnye die tuh semacem…Emperor dari kekaisaran Imperial. Dan, kalo ngga salah, Darth Maul itu apprentice-nye. Oke, semuanye jadi masuk akal sekarang, lagian, bukannye Palpatine itu juga Sith? Kalo ngga salah namanye Darth…

Owh fuck.          

.

.

Buat hal yg ngga ada hubungannye ama Insidious maupun Star Wars, silakan cek kaos homage Sucker Punch kite, yg tersedia juga bisa di-order di Omuniuum & Remains Rottrevore, Bandung. Buat seleksi ukuran yg lebih terbatas, silakan kontak kami di hisheroisdemon@gmail.com.

.

Advertisements

3 thoughts on “INSIDIOUS: AN INTELLECTUAL OVERVIEW

  1. Bwahahahahaha!!! Gila, kalo Darth Maul gue rasa hampir semua orang yang tau Star Wars pasti notice. Tapi sumpah gue bener-bener gak nyangka bisa nyambung ama Palpatine.

    Another awesome review.

    Like

  2. BTW, yang video self defense bagian awalnye asli goblog abis. ‘Jenisnye; macem begitu sih hanya idiot yang mau ngelakuin macem-macem. Sama sih kayak yang kedua. BACK OFF!!! LOL

    Like

    • Meski efektifitasnye layak dipertanyakan, tapi bentuk beladiri spesifik ini sebenernye cukup populer di dunia. Beberapa praktisinye yg terkenal tuh antara lain Laura Nichol, Angela Gossow, Otep Shamaya, Alissa White-Gluz, Maria Brink ama Candance Kucsulain.

      Like

Spit it Out

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s